مقدمة من قصيده للشاعر عبدالله بن جريذي الدلبحي موجهه للمرحوم الشيخ فيحان بن نشار

[داهية عتيبة]

أنا البارحه عيني قضت نومها سجات :::: تناوب مع القلب المعنا بسجاته
أليا قلت بات الطرف عيا الفؤاد يبات :::: سرى الليل كله بين فزه وغطاته
ألا يانديبي فوق من يقطع الفرجات :::: جديد الجموس ألي على النقر دقاته
نقيته على عيني وأخذته من الجمسات ::: على أخر ريال مورده حط لوحاته
مصفح ولونه فيه فارق عن البويات :::: حمر والرفارف بيج لونيين بوياته
دبلت المساعد ما تكلته على السستات :::: ورهمت سته تنقله عن مقصاته
أبا سايقه ما ينقل الهم في اللفات :::: يحزم العمامه في مطبه ولفاته
فحصناه وأكملناه ماعاد له حاجات :::: ترينه خلص ياسعود من كل حاجاته
تولم نبي المسراح مع باحة الغبشات :::: ترين السفر لذة مماشيه غبشاته
تطب الجموش ضحي مع فكه الجلسات :::: على نطلة الفلاح ياسعود مسحاته
منازل ربوعن تكرم الضيف في الشطات ::::: يعشون يوم الضيف هيله بمخباته
تخطر لقرمن من هل العرف والشيمات ::::: جذبني عليه من البحر زود شيماته
ملافيك أبن نشار منصاي في الشدات :::: حزامي ليامن الدهر شال شداته
أليا جيتلي فيحان قابلك بالضحكات ::::: تكفيك عن باقي المخاسير ضحكاته
تعذر منه وأنكان لزم تغد الشات :::::: وأخذ ما تيسر من مقاديم خلفاته
وأليا زان بالمجلس وناوشك بالنشدات ::::: عطه خط أخوك وبخصه كل نشداته
أبشكي على فيحان شكون تبى فزعات :::::: كبنه ولد من فالقا جات فزعاته
ولد من نعده يوم ننشد عن ألي فات :::::: أليا عدت الوقفات تنعد وقفاته
انا ياخو فاحا فالهواء صارلي دورات ::::: وللى فالوطن مثلك تجنبت دوراته
ابا أشرحلك القصه وأبا أبديلك السبات :::::: وأعلمك جرحي وش طبه وسباته
أنا ألي ذبحني ما يخلى ولا ينفات ::::::: على زين دله منسبه فيه ميزاته
ألا ياعيون ألي تقفوه بالرنجات :::::: يصيحون والدربيل مع كل روغاته
يذلون من سلمان لو صار له هجات :::::: يصيح الخوي والموت في حيد علباته
بغيته لكن أونست من دونه الحفات :::::: ولا نويت بالمجناب لو ذقت حفاته
أسايس أموري وأونس الغبن والحسرات ::::: وأشوف العداوه يوم أهرج قراباته

هذا والقصيده أطول من ذلك وفي حاله توفر ما تبقى منها سوف نوافيكم بذلك

[((الدلبحي))]

اخوي داهية عتيبه
يعطيك العافيه على القصيده الجزله لشاعر عبدالله بن جريذي
ولكن ياليت تكمل القصيده ونسمع رد الشاعر المرحوم فيحان بن عقيل
وصح السانك والسان ابونايف
تقبل تحياتي

[داهية عتيبة]

القصيده أطول من ذالك وسوف أبحث مع أبو نايف بقيتها واما رد المرحوم الشاعر فيحان بن نشار فلا يوجد له رد.

[((الدلبحي))]

اخوي داهية عتيبه
يعطيك العافيه على الرد السريع
وشاكرين لك هذا التواصل وحسن الاختيار
ونتمنى موافاتنا بماهوجديد ومتميز
تقبل تحياتي

[صنيتان قرداحي]

اخوي ..الداهيه

مشكور على اضافة مثل هذه القصائد التي تعد من عيون النبط.. ولشاعر كبير
بحجم ابن جريذي..

رحم الله فيحان بن نشار
اكيد سيكون رده لايقل اهمية عن قصيدة بن جريذي
كلاهما شاعرين كبيرين..

تقبل تحيااتي...................

[^ الشغـار ^]

لاهنت على هالنقل الرائع
بس ماعليك امر ابي من قصايد فيحان بن نشار رحمه الله
او من اشهر قصائده لاني احفض له الكثير
ومشكور واطال الله في عمرك
الشغار

[ابن عامر]

مشكور على هذه القصيده
وصح لسان ابو نايف
نتمنى ان توافينا بالمزيد من قصائد الشاعر المعروف عبدالله بن جريذي

[عبدالعزيزالمرشدي]

لاهنت لاهنت لاهنت

اختيارك جميل ولكن ياليت توافينا رد الشاعر / فيحان بن نشار الله يرحمه
لو كلفنا عليك ،،،،،،

تحياتي لك !!!

[داهية عتيبة]

الكل يطلب الرد ولاكن الشاعر فيحان لم يرد عليها ومشكورين على ردودكم جميعن


تقبلو تحياتي ....

[swaj]

قصيده رائعه وتشكر عليها .... وصح لسان الشاعر