يــــــــــالذيــــــــــــابة

[عباس الروقي]

ياشباب طلبت منكم قبل مدة قصيدة لبندر بن سرور ومارد على احد
ولو سمحتوا ياشباب من يعرف قصيدة بندر بن سرور
(( ياصخيف الذرعان )) والقصة الحقيقية للقصيدةو من دون اخطاء في القصيدة . ورجوأ منكم انكم تردون على باسرع وقت ممكن .

وتكفووووووووووووووووووووووووووووووووون يالذيابة .

[ابن مورق]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
اخوى عباس

مساك الله بالخير اولا

حسب ماسمعت من الشيبان في سالفه القصيده

وانا والله لااعلم مدى صحتها لاكن ربما هي الاقرب

عن باقي القصص التى سمعتها 0

يقولك طول الله عمرك وعمر المشاهدين

هذا بندر رحمه الله كان رفيق لتركى بن حميد ومايشوف مثله تركى

ولايسمع فيه كذالك بندر المهم جاء مره بندر اخر الليل وطق الباب على تركى

المهم فتحت زوجه الامير تركى الياهو بندر قال تركى منهو قالت : ماغير المرجوج

طبعا كانت زوجه الامير تلقبه بالمرجوج 0 قال بندر رحمه الله عليه القصيده هذي


ياسهيف الذرعان مانيب مرجوج "=" رجتنى الايام بغدر وحيله

يابنت لولا اللي على تاسع الفوج "=" تركت نجد وعزوه بالقبيله

لاشك حادينى على نجد هيدوج "=" مسقي الفيافي لين يدرج مسيله

تركى اليا من الليالي غدن عوج "=" حمله عتيبه كلها ماتشيله

يرسي كمى ترسي البواخر على الموج "=" ومنين ماهب الهوا يرتكيله

مادام تركى حي ماودى ادوج"=" وان غاب غبت عن الرجوم الطويله


وسلامتكم

هذا اللى انا سمعته من القصه والله اعلم
[/poet]

[ذيب عتيبة]

ليس تركي بن حميد رحمه الله



بل تركي بن ربيعان امير الفوج التاسع ..........



لان عهد تركي بن حميد رحمة الله قبل ولادة بندر ين سرور



ولكم تحياتي اخووووووووكم ذيب عتيبة

[ابن شهيل]

نعم اخوي ذيب عتيبه اللي سمعناه تركي ابن ربيعان وليس تركي اب حميد
واللي فتح الباب كانت ابنته وليسة زوجته

[عباس الروقي]

اسمحولي اني تاخرت على الرد عليكم وماقصرت يابن مورق