العمده عمدة الشعار

[سنافي الهيلا]

سلام الله سلامِ فيه من بعض العلوم اعلـوم=وينصى عمدة الشعار والشعار مـن دانـي
تغيب انجوم مايبدي لنا بعد النجـوم انجـوم=ياكود النجم ابو زهره وابو ذيلين والثاني..!!

آخر تعديل سنافي الهيلا يوم 01-Nov-2008 في 11:17 PM.

[فارس القوم]

الله الله يالسنافي

مسيت بالخير

[رعد الروقي]

هلا يا مرحبا ترحيب فيه من السلوم سلوم=اقوله عني وعن باقي ربوعي وصدقاني
ترى الدنيا دول والخير باقي والحلوم حلوم=عسى مانته على ووقع الزمن بالحيل شرهاني

[سنافي الهيلا]

يدوم الك البقا ياعمدة الحاره يدوم ايدوم=ورجلِ مايعد الحق قول اخرس وشيطاني
تناهشك الضباع الشهب وانته لقمت البلعوم=تركد واخذ حذرك فالبلد يالطير حوراني

[سنافي الهيلا]

المشاركة الأصلية كتبت بواسطة فارس القوم

الله الله يالسنافي

مسيت بالخير

مسيت بالنور وحياك يالغالي

[رعد الروقي]

بعير الحمل ياذيب الخلا مثلك قوي عزوم=يحسب حسابه لكل الامور وحرن عماني
الا يا المسلم اللي صافية نيتك صل وصوم=مدام انك تجيد الفاتحة واركان الايماني

[سنافي الهيلا]

ياطيب الذيب مايفتن وهو بالسلسله ملزوم=احيي فيك بعد الشوح عاش الذيب سرحاني
مادام انه هذا ريك مجمل ياكبير القوم=انا مسلم مسالم مير احارب كل نصراني

[رعد الروقي]

سلالة جدك اللي تبخصه لا صار فرك خشوم=يسرك فعل كفه لا تطاول كل قوماني
اسود الغاب ما تاكل بعضها والطيور تحوم=هذا جايع وهذا من سمان الصيد شبعاني

[سنافي الهيلا]

اسف على التاخير والتمس منك تعذرني على التاخير

أنا ماقول غير ونعم يوم أن العجاج يقوم=زمان فات يوم أن القلايع سرج و عناني
ترى الغابه تضم الحر الاشقر والقطا و البوم=وابو زلقوم والبطه وابو مخلب وجنحاني

[مرزوق حمدان العتيبي]

..
.

تناهشك الضباع الشهب وانته لقمت البلعوم
تركد واخذ حذرك فالبلد يالطير حورانـي

الله الله مبدع وصح لسانك
...
الا يا المسلم اللي صافية نيتك صل وصوم
مدام انك تجيد الفاتحة واركان الايمانـي




الله الله عمده على اسمك الله لايضرك ..
..

واصلوا والله لا يهينكم
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD