قادح شرار تعال نمزح

[حافي الحافي]

عيضه ونشمي يسدونك ياقادح شرار=كبر مخدتك وارقد وان بردت التحف
ياطول عمرك ياليتك من قصار العمار=عساك فالميت الي مات منت الخلف

[قادح شرار]

أمزح يالطيب أمزح .. وش عندنا عشان ما نمزح .

أنت من أنته عشان إنك تصدّر قرار = يا شين بعض العرب لا جاك هو >> يلتقف
قادح محنـّك مثل بعض الطيور الحرار = يسد عن عمّـه اللي مات >> وإله الشرف

[حافي الحافي]

انا عتيبي لعمك كنت انا المستشار=وصاني انصحك لاشفتك تدور وتلف
تنهد قدم العرب وتروح شربة خضار=ولا ملوخية ارانب وترشف رشف

[قادح شرار]

ما ظنتي عمي يخاوي فدربه >>حمار = يمكن عطاك التحية >>عند واحد ملف
أنته معك نفس روّح شوف مشفى شهار = لعل عقلك يزين وصورتك تختلف

[حافي الحافي]

ههههههههههه اجل اسمع

احشم لسانك لاتغضب ثم يجيك انهيار=وعمك مايعطي تحيه للحمار ان وقف
الثقل نعمه وميزه واضحه للوقار=وانته تعجل ولو غلطان ماتعترف

[قادح شرار]

كل شهر وأنته تجينا ..خلف أسم مستعار = ما تدري إنك على الردار ..يا منكشف
حاشم لساني .. ولا أفكر بهرج الصغار = وأنته مثل تيس ما صدق يشوف >> العلف

[حافي الحافي]

انتم من انتم عساكم كلكم لدمار=يانصف بزران والباقي ضحايا الخرف
رداركم يشتغل ليلا ويرقد نهار=يانادي فيك كم سجلت لي من هدف

[قادح شرار]

حنـّا بنيـّنا على صروح القبيلة جدار = يحفظ تراث الجدود >> ولا يجيه التلف
يوم ٍ بعض العرب يلعب يمين ويسار = يبحث عن المرجلة >>لو تنعطاله سلف

[حافي الحافي]

ياقادح استاذنك واسمحلنا فالهزار=ومقابلك فرصة وصدفه من احلى الصدف

قادح شرار تشرفت بمقابلتك والتعلم منك
واسمحلي اليل سرى والنوم سلطان واسمحلي لو حصل تقصير
وتصبح على خير يابن العم

[قادح شرار]

يا مرحبابك . وأنا اللي تعلمت منك طال عمرك .

و لي الشرف أنا أيضا ً مدام إنك عتيبي .

ما حصل منك ألا كل علم غانم . والنوم فعلا ً كما قيل إنه سلطان .

وتصبح على خير ...