سلطاااان الجذع والعقاب الجديد؟؟

[سعود العصيمي]

يالجذع سلطان حييت لو إني علاك = في ضميري شرهةٍ وانت راس اسبابها.
كيف يوم إني بعثت الك مكتوبي وجاك = ماستحيت ترد بالواجبه لاصحابها.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[فهيد الايدا المورقي]

سعود العصيمي صح لسانك


طاروق كايف وشرهه كبيره


في انتظار سلطان الجذع


تحيتي

[سعود العصيمي]

بناخي الايداء



صح بدنك وقلبك


يابن العم



مودتي.

[سلطان الجـذع]

يالله مساء خار

البقا بك يالعصيمي وهات اللي وراك = شرهة الطيّب ليا جابها قمنا بها
في هذاك اليوم وش لون ألبي لك نداك = كنت أمامٍ للمصلين في محرابها

[سعود العصيمي]

النوايا الفاسدة ما تعلي مستواك = والعلوم المقبله تاصلك بحسابها
يامصلي بالمصلين تتلقى جزاك = ساعة من وقت مسلم لياصلابها

[سلطان الجـذع]

حسب ماتعطي نجازيك .. وأنت أجزل عطاك = لاتدور للبلاوي ولا تبلابها
شايلٍ حتفك على الكتف وتدور عناك =لاتمشط لحيةٍ قد دقمت أشنابها

[قادح شرار]

ههههههههههههههههههه.

أبك أنتم علامكم ما كملتوا .

صحت ألسنكم .

ومتابع إذا كان هناك بقيّــة .

[سعود العصيمي]

كان طبعك هكذا وين ابا احصل دواك = الثقة بالنفس تبقى على هندابها
حبنا شكله ولونه ولو دارت رحاك = وانت لاشارب ولالحيةٍ يدرابها

[سلطان الجـذع]

ياسعود الحنظلة من متى تثمر براك = كل سلعة يعرفون العرب جلابها
انت ماتدري تسيّر ركابك في عماك = والصحيح مسيلمة ماتكب أكذابها

[معجب العتيبي]

الله الله الله


يالربع ورا ماعلمتونا نوقف كل محاورات المنتدى والمنتديات المجاوره


والشات والتفلزيون


يشهد الله انكم مبدعين

واصلوا وحنا متابعين

التوقيع