ملحمة....

[الكعبي العمري]

السلام عليكم ورحمة الله وبركاته




خير وصلاة عالنبي
رجال الحجر
رجال الحجر اسم ينومس الجميع
رجال الحجر اسم يفتخر به الجميع
رجال الحجر اسم وكيان وهامه تعجز الاقلام عن إيفائه ما يستحق
وهنا جادت القريحه بشي مما يستحقونه وهو أقل بكثير عن ما يستحقونه ولكن من واجبهم على شعرائهم أن يكتبون عن تاريخ انحنت له النواصي منذ القدم وهذا النص اهداء مني لقبائل رجال الحجر كافه رفع الله قدرهم وأعز شأنهم ونعدهم بالكثير ان شاء الله وارجو المعذره على الإطاله وإليكم القصيده.........



للشاعروالاديب : محمد بن زايد الاجدل الاسمري




رجـــــــــال الـــحـــجــــر


يالله يــا خـالـق الدنـيـا وعالـمـهـا ... يـا مـن تلـوذ البشـر بإسمـك ورحمـانـي



اجزلـت للخـلـق بأفضـالـك وراحمـهـا ... واسقيـت طـور الحجـاز بعـذب الامـزانـي



تدلنـي للـقـدى عــن لــوم لايمـهـا ... ولا تجـعـل المخطـيـه نهـجـي وميـزانـي

اطلبـك يــا عـالـم النـيّـه وفاهمـهـا ... تقبـل صلاتـي وتـخـزي كــل شيطـانـي



ثبّـت حروفـي علـى الجزلـه وداومـهـا ... واجعـل سميـن القوافـي منـطـق السـانـي


بيـارق المـجـد والتـاريـخ حاشمـهـا ... سـلام يغـشـى قبـايـل تــاج الاوطـانـي


تسليمـةٍ تقـضـي الحـاجـه ولازمـهـا ... علـى بنـي عـمـي الوافـيـن واخـوانـي


دعـوى المهابـه رجـال الحَجْْـر زاهمهـا ... ابنـاء ربيعـه وريــث الحَـجْْـر تيجـانـي


منضومـة الازد مــا تخـفـى معالمـهـا ... اربــع قبـايـل تنـومـس كــلّ ميـدانـي


مـن رهـو كـرّ النقـا تبـدأ عواصمهـا ... حتـى قـرى مسفـره وحــدود شهـرانـي


اسلافهـم لقـمـة الشيـمـه تقاسمـهـا ... اخـوان وابنـاء عمومـه لــي وجيـرانـي


يشهـد لهـم فاطـر الـذمّـه وصايمـهـا ... والله يشـهـد ويشـهـد كــلّ وجـدانــي


صـقـرٍ محـلّـق نظرعيـنـه تهايمـهـا ... والبـدو والقـرو لــه مخـلـب وجنحـانـي


سفيـنـةٍ بالـغـلا تبـحـر طواقـمـهـا ... الـعـزّ حمـلاتـهـا والـحــق رُبـانــي


الـديـن لله وابــن سـعـود حاكمـهـا ... فـي ظــل عـبـدالله الـوافـي وسلطـانـي


حفظـو حظاراتهـا وارســو دعايمـهـا ... حتـى غـدت جوهـره بـأسـوق مرجـانـي


فـي عهدهـم دارنـا تضحـك مباسمـهـا ... واصبـح غلاهـم يــدوج بـكـلّ ّشريـانـي


ابـدا بربعـي وقيفـي فــي مقادمـهـا ... بللسمـر اهـل الـكـرم للضـيـف والعـانـي


ربـع العـزاوي ليـا حامـت حوايمـهـا ... هـم تـاج راسـي والأجـدل طيـر حورانـي


وبـل الثميـدي صفوفـه فـي محازمهـا ... زاهـب لـمـن غـرّتـه نفـسـه بعـدوانـي


تاريخهـم بـان ذكـره فــي ملاحمـهـا ... بأعلـى النوايـف لـهـم رايــه ونيشـانـي


بانـت علـى خـدّة الـعـادي مياسمـهـا ... تـاريـخ بـيّـن مــع حـجـه وبرهـانـي


علـى خطـا علقمـه تمشـي عزايمـهـا ... صاحب رسـول الهـدى مـن نسـل عدنانـي


يـا مـن جهـل صيتهـا تابـع معاجمهـا ... تــروى بحيضانـهـا وتـبـات ضميـانـي


والشنفـري ابـن الاواس ابـرز علايمهـا ... اسطـورة الدهـر فـي تـاريـخ الازمـانـي


اللابـة اللـي ثـمـار الـبُـر رزايمـهـا ... الله عطـاهـا جلـيـل المـلـك والـشـانـي


الضيـف والجـار يشبـع مـن ولايمـهـا ... تلقـى العسـل عندهـم والسـمـن غـدرانـي


وبنـي شهـر قلعـةٍ تفـخـر بأوادمـهـا ... نعـم الرفـاقـه وســاع الـجـال عربـانـي


جنبيـةٍ فـي العـدى ترعـى صوارمـهـا ... سلاّتـهـا اشبيلـيـه والـصـبّ دوجـانــي


العـلـم والـفـن والتفكـيـر عالَمـهـا ... بستـان غـرس الشهامـه لـدن الاغصـانـي


مثـل الرعـود القواصـف فـي مرازمهـا ... مابيـن تـهـم وحـجـاز وبـيـن بـدوانـي


لهـم مكانـه وهيـبـه مــا يزاحمـهـا ... عـلـى مـكـان الزعـامـه واحــدٍ ثـانـي


المـوت للـي نـوى فـكـره يصادمـهـا ... بحـدب الخناجـر وحـدّ السـيـف شامـانـي


فـي جوّهـا مــا يـبـان إلا هياثمـهـا ... والارض تـهـتـز زلـــزالٍ وبـركـانــي


الخيـر تشبـث علـى فعلـه قواضمـهـا ... والعـدل يبقـى سـمـة غالـيـن الاثمـانـي


تاريـخ الامجـاد يقـرا فــي ملازمـهـا ... يعـرف تواريخهـا القاصـي مــع الـدانـي


علـى صكـوك الشـرف دمغـات خاتمهـا ... شـرح الذرابـه عليهـا اشـكـال والـوانـي


وبللحمـر الوافـيـه نـذكـر مكارمـهـا ... حصـن الجنـوب الحصيـن ولبـس الابدانـي


ريـح الشجاعـه ليـا هبّـت مواسمـهـامـا ... تنطـح إلا قــروم ونـسـل شجعـانـي


مخـزون قصـر الطلاقـه مـن نعايمـهـا ... زوّار بـابــه مـطـاريـشٍ وضـيـفـانـي


الجـود والعـز مـدرج فــي قوايمـهـا ... صبيـان بللحـمـر الـيـا قـيـل صبيـانـي


تبقـى مزاعـم هـل الطالـه مزاعمـهـا ... مـن زاغ عـن مـا تريـده شـاف عزرانـي


كـلٍ يبـي عــزوة القـالـه يلايمـهـا ... ويسيـر دربٍ مشـت بـه حمـر الاعيـانـي


سـيـل المـراجـل وبـرّاقـه يداهمـهـا ... مــن مـزنـةٍ ساقـهـا همـلـول ودانــي


انبت نبـات الوفـا مـن عـذب غايمهـا ... واسقـى ديـار الـغـلا وبـيـوت صدقـانـي


تـروى نحـور النشامـا مـن كظايمـهـا ... والعـد يبـقـى مــن المـاجـوب مليـانـي


صـوت البنـادق تماريـبـه مراسمـهـا ... مـن صنعـة الـروس والبلجـيـك والمـانـي


وابنـي عمـرو لابـةٍ نعـرف وسايمهـا ... درع الشمـال إن حصـل للـوقـت ميـلانـي


قبيـلـةٍ شامـخـه بـيـضٍ عمايـمـهـا ... احفـاد عَمـرو ابـن حجـر القايـد البـانـي


يـوم الوغـى والحمـى مانـي بظالمـهـا ... الـعـزوة الـلـي لـهـا بقلوبـنـا شـانـي


عقـد النواميـس تشهـد بـه معاصمهـا ... تاريخـهـا للطـواحـن يــوم مــا لانــي


عادة هـل المـرت مـا تقطـع نسايمهـا ... اصغـر ولـيـده نـهـار الـشـان قومـانـي


الاتـراك ذاقـت علـى ايديهـم هزايمهـا ... مـا سلـم مـن حاميتهـم ريــح عثمـانـي


فـي ساحـة الملحمـه دُفنـت رمايمـهـا ... وقـدّمـوهـا لـطـيـر الـبَــر قـربـانـي


مـا باقـي إلا عضـامٍ مــن جماجمـهـا ... ولاّ رفــاتٍ عليـهـا صـلــو نـيـرانـي


مثـل المشهـايـب حاقتـهـم مراجمـهـا ... صبـيـان عمـريـن شـبّـانٍ وشيـبـانـي


يخسـر لسانـه وكفّـه مــن يهاجمـهـا ... يـا كـم وياكـم عطيـبٍ عــاد خسـرانـي


يقولهـا شـاعـر المـوقـف وخادمـهـا ... والمعـذره لـو حـصـل بالعـلـم نقصـانـي


يالله عساهـا تجمّـل حــرف ناظمـهـا ... قصـيـدةٍ نظمـهـا مــن حـبـر قيفـانـي


بالله بديـنـا وبـســم الله خواتـمـهـا ... وصـلاة ربـي علـى مـن دينـه اروانــي

القصيده منشده بصوت الشاعر المعروف مفلح السلاطين :

http://www.balasmeer.com/1015.mp3

[نواف العنزي]

يعطيك الف عافيه يالذيب