دورو معجب بعد معجب معي قاد الحميه

[عمير الثبيتي]

دورو معجب بعد معجب معي قاد الحميه = ما درنا ما نلد العين فى الحاجه الصغيره
سعد ربعن هو ولدهم ما يشوفون الرزيه= والله انه دونهم يقبس كما قبس الذخيره

آخر تعديل عمير الثبيتي يوم 24-Sep-2008 في 06:51 PM.

[معجب العتيبي]

المعذره دوبني ادخل

لاتدورني وتطلع فالمراقيب العليه=هات علمك عبر شاشات الجهاز المستديره
كل رجلٍ دون ربعه بالكثير وبالبليه=والخطا محدٍ يحبه والردي يُعرف مصيره

التوقيع

[مرزوق حمدان العتيبي]

..
.

بادي المراقيب .. و .. وابو سلطان ..
..
صحت السنتكم .. واصلوا وحنا متابعين ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالرحمن الهيلوم]

صحت السنتم يااالغالين

وفالكم الطيب .....

متا بعين

[عمير الثبيتي]

وهنيه من يخاوي مثل معجب وهنيه = في دروب اطوال ولا ف الدروب اللي قصيره
قبل أفتش ياعميل في ملفات القضيه=ودي أعرف عرق شجرتكم عسى ف الأمرخيره

[معجب العتيبي]

ماتجيلك بالتمني ماتجي بالمهمهيه=ياعسى فالامر خير وياعسى مافيه حيره
قبل تبدا فالسوالف قدم اوراق الدعيه=عند ابن روق العتيبي عز من بصبح شويره

[محمد شبيب السبيعي]

صح لسانك يابادي المراقيب ،،،،،،، على البيوت الجزله تستاهل الشكر ياذيب ،،،،،،،،،،،،


صح لسان أبو سلطان والله انه كفو وزود راعي الحميه بدون مجامله مثل ماقال بادي (تقبس قبس الذخيره )

متابع ،،،،،،،،،

وياليت تواصلوووووووووون

[سهم الليل]

صح لسان الجميع كلكم ما يحتاج
ومتابعين للفائده

[بندر النخيش]

صح لسانكم جميعآ

اخوكم بندر النخيش

[عمير الثبيتي]

ما بفتش في هذيك ولا بفتش في هذيه=في شهرنا اللي الكريم الناس تبحث لستيره
والله أنك لا قليل ولا كثير ولا شويه = يا جملنا ياجملنا غير الديره بديره