الشهيد النفيعي ، رثاء من زميله القحطاني و مجاراته من بن عون ومجارانهم من عايض التوم

[عبدالمجيد النفيعي]

بسم الله الرحمن الرحيم

السلام عليكم ورحمة الله وبركاته

الكل منا يعرف الشهيد النقيب / ظافر بن عبدالله النفيعي



الذي إستشهد (حسب ماهو مذكور في وسائل الإعلام) في مواجهة أحد المطلوبين أمنياً
الذي كان وقتها يطلق النار على زملاء الشهيد بـ شكل عشوائي و أزهق روحاً بريئة وتسبب بجرح آخرين

،،

قال فيه زميله الشاعر الرائد / حامد القحطاني

قصيده من أبرز ماقيل فيها

تشبيه الشهيد بـ خالد بن الوليد رضي الله عنه بـ شجاعته وإقدامه
وذكر بـ انه يعتبر فخر لـ قبيلته وإن هذا مجد يضاف ضمن أفعالهم
ويواسي فيها ذويه ويعاهده أن يسلك مسكله في قتال أعداء الوطن

الحـمـد لله عـلــى مـــا صـــار رب العـبـيـد = الـواحـد الـفـرد سبـحـانـه عـزيــز الـجــلال
نرضـى بحكمـه ونصبـر والجـزع مـا يفـيـد = امــر مـقـدر ورده مــن صـنــوف الـمـحـال
من بعـد ذا هاجسـي قـم هـات زيـن القصيـد = اطـرق بـيـوت الجـزالـه لا تجـيـب الـهـزال
وانـشـر بصدرالجـرايـد وارسـلـه بالـبـريـد = وبلغ قناة الفضا ويش صـار وقـت السجـال
اكتـب بيـوت الفخـر والـعـز وارث الشهـيـد = ظافر وظافـر علـى اسمـه مثـل شـم الطـوال
مؤمـن وقلبـه علـى الـشـدات مـثـل الحـديـد = اقــدم وقــال الشـهـاده مطلـبـي راس مـــال
اقـــدم وقـــال الله القـادرعـلـى مـــا يــريــد = وزمجـر كمـا زمجـرة لـيـث وطــاح العـقـال
مـاخـاف لا مــا تقهـقـر كـنـه ابــن الـولـيـد = البيـض ترفـع لظـافـر فــوق روس الجـبـال
تفخرعتـيـبـه بـظـافـر عـــاد مــجــد تـلـيــد = افـعــال لـطـامـة الـعـايـل زحـــول الـرجــال
افـعـال مــن تـدخـل الهيـجـاء بــراي عنـيـد = وشـرب المنايـا هدفهـم مثـل شـرب الــدلال
ليحمـي سـوق المعـارك عندهـم يــوم عـيـد = مــن هـازهــم لامـحـالـه خاتـمـتـه الـــزوال
قــم يانديـبـي تجـهـز فـــوق جـيــب جـديــد = وانقـل عزانـا لـراس الـقـوم سـمـح القـبـال
انـقـل عـزانــا لابـــو ظافـرجـنـود وعـمـيـد = وقـلـه تـرانـا عيـالـك بـعــد ذيـــب الـعـيـال
وقلـه تـرى ابنـك شهيـد عـنـد ربــه سعـيـد = مـا مـات ينـعـم بـراحـه فــي بــراد الـظـلال
مــا مــات قــول الله الـبـاري العزيزالمجـيـد = حـــي يـــرزق ويــشــرب سلـسـبـيـل زلال
وامـه وبـارك لهـا يشفـع لـهـا فــي صعـيـد = فيـه البـشـر واقـفـه خمسـيـن عــام طــوال
وقـلـهـا تحـتـسـب وتـضــم هـــاك الحـفـيـد = عبدالله ابـن الشهيـد اللـي رقـى فـي العـوال
وزوجـه وبنتـه غـلا واخـوان نعـم العضـيـد = وطفلـه محمـد ومـن ينسـب عـمـام وخــوال
وبـلـغ عـزانـا عتيـبـه مــن قـريـب وبـعـيـد = وبلـغ هـوازن هــل الوقـفـات يــوم الـنـزال
ظافرنعـاهـدك دربـــك نسـلـكـه مـــا نـحـيـد = دمـك الزكـي غـالـي ابــو غــلا يــوم ســال
عهـد قطعنـاه والله علـى العهـد هــو شهـيـد = نقاتـل هـل الزيـغ واربـاب الفتـن والضـلال
يــا هـيـه يــا شـلـة الارهــاب مـابـه محـيـد = حنـا حمـاة الوطـن درعــه سـهـول ورمــال
حـنــا وراكـــم بـضـربـات وعـــزم شــديــد = مـحـال نـتــرك كـــلاب النارتـعـبـث مـحــال
حـنـا وراكــم لانـكــم جـــرح كـلــه صـديــد = الـيــن نـاصــل معـزبـكـم خـبـيـث الـفـعــال
ثـم نضـربـه ضـربـه تقـطـع حـبـال الـوريـد = ويصلـب عليـه اللعايـن فــي قــوي الحـبـال
امواتـنـا فــي جـنـان الخـلـد تـاكــل نـضـيـد = وامواتـكـم فــي جـهـنـم تشـتـعـل باشـتـعـال
نقتـل بعضكـم والاخـر طـول عـمـره طـريـد = والكون على المجرم اضيق من مسم الخلال
وختـامـهـا يالله تـجـعـل خاتـمـتـنـا شـهـيــد = وتغـفـر ذنـوبـي وثبتـنـي بـوقــت الـســؤال
ويالله عسـى جنـة الفـردوس مثـوى الفقيـد = ويالله تجبـرعـزانـا فـــي حـمـيـد الـخـصـال
وصلاة ربي عدد ما في النخـل مـن الجريـد = عـلـى مـحـمـد عـــدد ذرات وبـــل الـخـيـال

،،

جاراه أحد أعلام الشعر من قبيلة عتيبه

الشاعر / غازي بن دخيل الله بن عون (ينبوع الشعر)

بـ قصيده من أبرز ماقيل فيها

بـ أن قصيدة الشاعر القحطاني جعلته يعود لـ الشعر بعد فكر بـ الإعتزال
أثناء بـ رجال الأمن متمثلين في النقيب ظافر يرحمه الله والرائد حامد القحطاني
أثناء في قبيلة رجل الأمن الرائد حامد القحطاني و هي من أعرق قبائل العرب بلاشك

كــلام حـامـد دعـانـي للشـعـر مـــن جـديــد = وخـلانـي ارجــع بـعـد فـكــرت بـالاعـتـزال
يــا حـامـد الحـمـد للـفـرد المجـيـد الحـمـيـد = ذا الطول ذا الكبريـاء ذا الهيمنـه ذا الكمـال
مـالــه ولــيــدٍ ولا والــــد ولا لــــه نــديــد = مـتـفـرد ٍ بالـربـوبـيـه وكــــل الـخـصــال
خــلاق رزاق محـيـي حــي مـبــدي مـعـيـد = الــه البـقـا والعـبـاد الـهـا الفـنـا والـــزوال
وتلـك الامـم لا فنـت تبـعـث بـعـد مــا تبـيـد = من عقب صاروا هبا ً منثور حدر الرمال
فــي ذلــك الـيـوم مــا يـسـأل وديــدٍ وديــد = والكتـب شـي ٍ يميـن وشـي منهـا شـمـال
لعـلـنـا لا غـــدا للـشـمـس حـــر و وقــيــد = مـــن سـبـعـةٍ ربــهــم يـظـلـهـم فـالـظــلال
وعسـى لنـا و الـك يـا حامـد مقـدم رصـيـد = فـي موقـف ٍ فيـه مـا ينفـع بنـون وحـلال
والاجـل فـي حسبتـه كثـر الحـذر مـا يـزيـد = ودوس الخطـر مايقصـر فـي طـوال الاجـال
وظافـر هـذا يومـه المحتـوم شـي ٍ وكـيـد = وترى شرف الموت في يوم الوغى والقتال
اقصـد قتـال الخـوارج كــل نـجـس ٍ بلـيـد = فكـره وقلبـه مثـل وصـف الريـه والطـحـال
مــن عقـلـه الـلـي عـطـاه الله مــا يستفـيـد = محـتـل ٍ الجـهـل فـكـره والـفـواد احـتـلال
لو ان فـي زمـرة الشيطـان رجـل ٍ رشيـد = مـا بـدلـوا منـهـج الـهـادي بنـسـج الخـيـال
ومهـمـا يكـيـدون ربـــي لـلـخـوارج يـكـيـد = ولــو يكـيـدون يجـعـل كيـدهـم فــي ظـــلال
الله لـمــن كـــاد لـلاســلام يـمـهـل رويــــد = ونرجـوه يحمـى وينـصـر لابسـيـن الـبـدال
امـثـال ظـافـر وحـامـد وكاعمـيـن الضـديـد = اللـي غـدوا بالوفـا والصبـر مضـرب مثـال
اقـدامـهــم للـجـراثـيـم الـخـطـيــره مـبــيــد = الـلــي تـلــوث سـلـيـم الـجـسـم بالانـتـقـال
بـواسـل ٍ فــي تصديـهـم صنـاديـد صـيــد = فيهـم قتـال الاسـود وصبـر صـفـر الجـمـال
حــرارا ً ابـنـا حــرار ولـلاوامــر عـبـيـد = الـيـا ومـرهـم ولــي الامــر هـبـوا عـجــال
يمشون لـه مشيـة المسيـود فـي راي سيـد = علـى كتـاب ٍ عرفـنـا بــه حــرام وحــلال
والمملـكـه عدلـهـا مــا هــوب تــوه ولـيــد = تسعين حجه وهـي فـي عهـد بسـط وعـدال
قـــدام عـبــد الـعـزيـز لحكـمـهـا يسـتـعـيـد = وهـي مسـرح ٍ للفتـن والنهـب والاقتـتـال
واليوم محميةٍٍ خضـراء وعيـش ٍ رغيـد = ننـعـم بمشروبـهـا الـعـذب الـقـراح الــزلال
بربوعهـا صدرهـا اللـي فيـه تسعـيـن ديــد = والبيـت والمسجـد اللـي لــه تـشـد الـرحـال
فـي عهـد رجـل الملمـات ابومتـعـب ذالأيــد = الـلـي تهـامـا عطـاهـا مـثـل وبــل الـخـيـال
وحـامـد بظـافـر وبافعـالـه وطـيـبـه يـشـيـد = شهـادة ٍ صادقـه مـا هـوب قـول ٍ يـقـال
وانــا اشـهـد لحـامـد وربــي علـيـه شهـيـد = انـه خـويـا ً وفـيـا ً لــه مـقـام ٍ لـحـال
نادر حرارا ً تحـدر مـن حـرارا ً تصيـد = قحطـان مرويـن فاللـقـوات حــدب الـسـلال
اللـي لهـم مـن صـروح العـز صـرح مشيـد = ورايات مجدا ً خضر فوق الجدي والهلال
منـهـم عــزوم الـعـدا تنـهـار مـثـل الجلـيـد = سـور الديـر واللقـاح وستـر سـود الشـيـال

،،

وجاراهم أحد شعراء النفعه (قبيلة الشهيد) من قبيلة عتيبه

الشاعر / عايض بن عواض التوم الفليت

قصيدته كانت

بـيــن الـفـخـر والـعــزا والـمــدح عــقــد فــريــد = الله يــبــيــض وجـــيـــه الـطـيـبــيــن الـــجــــزال

قـصـيـد حـامــد وغـــازي فــيــه عـلـمً مـفـيــد = فـيــه الـثـنـاء والـشـكـر والـفـخـر والاعــتــدال
الحـمـد لله عـلـى مــا صــار يــا أبـــو مـزيــ = دنـقـولـهــا فـــــي الــعـــزا والــمـــدح والابـتــهــال
الله هـــــــو يــدبــرنـــا عــــلــــى مــــــــا يــــريــــد = نؤمـن بحكـم القـدر وحسـاب سـود الليـال
يــا هـاجـس الشـعـر يـلـي لــك ليـالـي مهـيـد = لا والله إلا عـــاد داعــيــك مــــا بــــه جــــدال
مـــا بــيــن غــــرة مــحــرم والـنـهــار الـسـعـيـد = أشـــوف خـيـلـك تـهـيــأت لـلـطــرب والـقـتــال
مــــا هــــوب داعــيــك لازم زيــــد ولا عـبـيــد = إلا قـصــيــدا خـيــالــه فـــــوق كـــــل الـخــيــال
خــيــال ذكــرنــي ابــــن زهــيــر وابـــــن لـبــيــد = والبحـتـري هــو أبــو تـمـام يــا أهــل الفـعـال
بـيــن الـفـخـر والـعــزا والـمــدح عــقــد فــريــد = الله يــبــيــض وجـــيـــه الـطـيـبــيــن الـــجــــزال
أهـل الوفـاء ألـي لـهـم بالـعـرف رأي سـديـد = أمــثــال حــامـــد وغـــــازي طـيـبـيــن الـمــقــال
و أنــــا لــيــا جـــــات لـلـوقـفــه ورد الـنـشـيــد = مـانـي بمـعـذور يــا تـركـي عـلـى كـــل حـــال
أبـا أفتخـر و أرثـي ربـوعـي ولا لــي محـيـد = ظافر شهيد الوطـن يفخـر بـه الربـع و آل
آل السـعـود الشـيـوخ ألـــي تـضــد الـضـديـد = ولاة الأمـر وهـل المعـروف و أهــل الـعـدال
يـفـخـر بـــه أبـــو عـبــدا لله ومـجــدا مـجـيــد = و أيـضـا عـيـال وبـنـي عــم وعـمـام وخــوال
قـــم يـــا نـديـبـي تـــرا شـوقــي لـربـعـي يـزيــد = بـلــغ عـزايــه هـــل الـطـائـف وكــــل الــرجــال
ذو ســنــان الــزحــول الـــــي مــداهـــم بـعــيــد = حــرارنــا ألـــــي مـواكــرهــا بـــــروس الـجــبــال
رصـيـدنـا يـــوم كـلــن لــــه حــــلال ورصــيــد = ألـــي يشـيـلـون حـمــل مـــا تـشـيـل الـجـمــال
مـــا مـــات ظـافــر وعـبــدا لله لـجــده حـفـيــد = عــبــدا لله ومـثـلــه مـحــمــد ونــعـــم الـعــيــال
وغـــــلا غــلاهـــا بـقــلــب أمــيــرنــا والـعـقــيــد = والابـــــه إلـــــي فـخــرهــم بـالـقــنــا والـــســـلال
خـوالـهــم هــــم خــوالــي وفـتـهــم يــــا عـبــيــد = مـالـي ومــال الـعـلـوم ألـــي تـجـيـب الـســؤال
ظـافــر شـجـيــع تــقــدم قــبــل يــــوم الـوعـيــد = ما خاف من شلة الإرهاب و أهل الضلال
مـعـه صنـاديـد مــن شــرواه مــا هــو وحـيــد = لــكـــن تـــقـــدم عـــلـــى الـــغـــدار بـالانـفــعــال
فــي يــدك يــا سـيـدي نـايـف وريـــع حـديــد = ومثـلـه سـيـوف صقيـلـه فــي يــدك لا تــزال
و أنــــا ولــدكــم وراســـــي لـلـمـنـافـق عـنــيــد = يـــا جـعــل مـــن خـانـكـم يـــا سـيــدي بـــزوال
و يالله يـــا ذل الـكــرم يالـمـبـتـدي يالـمـعـيـد = تحـفـظ زعـامـة هــل العـوجـا زحــول الـرجـال
وتحمـا وطـنـا مــن أحـقـاد الحـسـود المكـيـد = وتـعـز الإســلام و ألــي مـركـزه عـــال عـــال
عـبـدا لله الحـاكـم الـعــادل و بـأســه شـديــد = عـلـى هـــل الـغــدر و ألـــي يـعـبـدون الـريــال
وحـامــد ونـعــم الـخــوي حـــرا يـهــد ويـصـيـد = وافـي مـع أهـل الوفـاء هـذا حميـد الخصـال
مــن لابــة ساسـهـم بالطـيـب سـاسـا جـويـد = قحطان سـاس العـرب والـرأس فوقـه عقـال
وختامهـا يـا هـل العوجـا ويـا أهــل الشهـيـد = الله يـجــبــر عــزانـــا فـــــي كــريـــم الــســبــال

،،

الله يرحم ظافر ويتقبل شهادة جميع من قِتلوا ضد أعداء الوطن

،،

من أهداف هذا الموضوع تذكير الأعداء بـ إن لـ هذا الوطن قبائل من الرِجال

تدافع عنه ومن ضمنهم نحن ياعتيبه أرواحنا مرهونه لـ أرضنا ذو التربه الطاهره

وفي الختام نسأل الله أن يحما بلادنا ممـ التوحيد ـلكة المملكه العربيه السعوديه من كل شر

،،

أخوكم / عبدالمجيد النفيعي

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

آخر تعديل عبدالمجيد النفيعي يوم 13-May-2010 في 02:41 PM.

[محمد الحميدي]

وختـامـهـا يـــا هـــل الـعـوجــا ويــــا أهــــل الـشـهـيـد
الله يــــجــــبــــر عــــــزانــــــا فــــــــــــي كــــــريـــــــم الــــســــبـــــال



بيض الله وجيه الشعراء على القصيد الطيب

ورحمة الله على الشهيد

مشكور أخوي عبد المجيد على الموضوع الرائع

التوقيع

[محمد العتيبي]

بيض الله وجيه الشعراء على القصيد الطيب

ورحمة الله على الشهيد

مشكور أخوي عبد المجيد على الموضوع الرائع

التوقيع

للتواصل عبر twitter تويتر al_bargawy@

[ابو ضيف الله]

لله اكبر سلمت يا عبد المجيد على النقل الرائع

والله ان قصيدة القحطاني وقفت شعر راسي

والله يرحم النقيب ظافر النفيعي ويتقبله من الشهداء

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[عبدالمجيد النفيعي]

محمد الحميدي

وجهك أبيض والرائع مرورك لاهنت

محمد العتيبي

وجهك أبيض ولاهنت

أبوضيف الله

هذا من طيبك راسك

الله يسلمك والرائع مرورك

[خلف الروقي]

ماشاء الله على جزالة البيوت المصخرة تصخير

صحت السنتهم وطالت اعمارهم وبيض الله وجيههم

نسأل الله ان يتقبل النفيعي من الشهداء


بيض الله وجهك ياعبدالمجيد والله لا يحرمنا جديدك يالغالي

[فيصل المسعودي]

نسأل الله أن يرحم شهداء الوطن بواسع رحمته

وأن يشملهم بعظيم غفرانه وعفوه وصفحانه

وأن يتقبلهم عنده قبولاً حسن

رحم الله الشهيد

ظافر النفيعي

وأسكنه فسيح جنانه وغفر الله له

صح الله لسان الشعراء على مشاعرهم الوافية تجاه وطنهم ورجال وطنهم من العيون الساهرة على أمن هذا البلد وخدمته

فلا يستغرب منهم مثل ذلك فهم أهلاً للجزالة والوفاء

شكراً لك عبد المجيد

على هذا الموضوع الواااافي

تحياتي

[بندر النفيعى]

هولاء هم رجال قحطان الوفاء شيمتهم ونعم الرجال والي جنة الخلد يا ابن العم

[عبدالمجيد النفيعي]

خلف الروقي

صح بدنك ووجهك أبيض

المسعودي

العفو ولاهنت على الإضافه الرائعه

بندر النفيعي

يستاهلون ونعم والله ولاهنت

[مراسل عفيف]

قصيده رايعه ومجاراتين رايعتين