احمد الزايدي=
سلام وأبداء وأثني با السلام=على الرجال العوارف كل عام
أنصوم وانصلي بشهر الصيام=والله نرجـوه يغفـر ذنبنـا
نبا نسري مع الطاروق ونسولف مع العربان=لنا مدة طويلـه ماشرينـا والثمـن غالـي
يقولون الكريم معان والعالم تعـرف معـان=وهو معرف مايحتاجلـه تعريـف وجدالـي
سعود العصيمي=
يامرحبا يامسلم ياهلا=ترحيبة كلها مسك وحلا
لاهل الغلا مانجيب الا الغلا=والله نرجوه يغفر ذنبنا
نبا نسري معك ياأحمد واسري والليل ياسرحان = تهيض وانزل اسواق الغلا واشتر من الغالي
نعرف القرم منجا والكريم معان ياذيبان = هذا قول المثل ويعرفه الاول مع التالي
احمد الزايدي=
دام البقا ياسعود لكـن ودنـا=(ا)بعلم غانم مصدره من عندنا
مار أنتبه حذرىتبيـح سدنـا=والله نرجـوه يغفـر ذنبـنـا
سبحنا في بحور الشعر وأبه لولو وأبه مرجان=وشريت أنا الجواهر والدرر بالكاش من مالي
تعرف أن القروم قروم وفي وقت القا شجعان=لهـم واقفاتهـم ماتنجحـد ياريـف الحالـي
سعود العصيمي=
وش تحتري كان ابه علمٍ جبه = ولياقريناه رده نتكبه
والطيّب اللي يكمل واجبه= والله نرجوه يغفر ذنبنا
ما اقول قصور فيك ولانت بلحالك من العتبان = وانا كل البحور اسبحبها لو موجها عالي
لعلك فارسٍ واتناطح الفرسان فالميدان = ومن يجحد مواقيف البطل ماهوب رجالي