باهل الهوى من شارب الخمر شارات وبهم من اللي يطرد الصيد شايه

[خالدالعصيمي]

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يوم الركايب عقبن خشم ابانات"=

ذكرت ملهوف الحشى من عنايه

ليته رديفٍ لي على الهجن هيهات"=

اما معي والا رديف اخويايه

اخذت لي في ماضي العمر سجات"=

يوم الهوى قايم وانا اتبع هوايه

يوم ان لي مع تلع الارقاب صرفات"=

ابيع واشري بينهن بالسعايه

الليل نجدع به مواعيد واضوات"=

ولا خاشر الوعاد راع الضوايه

واليوم شبت وتبت عن كل مافات "=

وطويت عن كل الموارد رشايه

الا إلى مرت خطات الخوندات"=

اللي جدايلها تعدا الحضايه

اتجازي الهرجه بغضاي وسكات"=

ولاهيب تبدي له سريره وغايه

تصد عما قال من غير مجفات"=

وتعرض بخدٍ كن فيه المرايه

طرالي الهاجوس هاجوس الافات"=

وعرض لي المبعد على كل رايه

ومع ان في قلبي جروحٍ خفيات"=

وانا خبر مابي سببها منايه

آية هوى ماهي بطب المداوات"=

انا طبيب الروح مابي غوايه

ماهيب بدعه يلحق الرجل شرهات"=

ناسٍ عدو قدمي وناسٍ ورايه

لولاي اوسع خاطري بالتنهات"=

واصبر بحالي من خلاي ابخلايه

لاغدي كما المذهب وارمي بالاصوات"=

خبلٍ على ماقال راع الروايه

باهل الهوى من شارب الخمر شارات"=

وبهم من اللي يطرد الصيد شايه

شارات راع الخمر فاقه وسكرات "=

والصيد ولعه ماعلى الله كمايه

ولو اتمنى لي من المال غلات"=

وانفذ الغله واحصل منايه

مير المقل ضعيف مافيه نوهات"=

وراع التمني مثل زراع طايه





الشاعر


عبد الله بن سبيل
[/poet]

[حسان]

خالد العصيمي

نقل رائع يا رائع

إنك تجبرنا على الجلوس أمام النت ساعات وساعات

أخوك حسان

[((الدلبحي))]

العصيمي
تسلم على القصيد الجزل
الله يعافيك
لاتحرمنا من مثل هذه القصيده

[طلال الثعلي]

خالد العصيمي

شكر من القلب...

تحياتي...

[خالدالعصيمي]

الاخ حسان

نورت المشاركه


بمرورك


لك اجمل


تحياتي

[خالدالعصيمي]

الاخ ((الدلبحي))

مشكووووووور


على مرورك


لك اجمل تحيه

[خالدالعصيمي]

الاخ طلال

لاشكر

على

وااااجب


تمنياتي

لك بالتوفيق

الداااايم