السلام عليكم ورحمة الله وبركاته...........
اخواني اعضاء المنتدى الكريم ارجو منكم تقبل هذه المتواضعه وارجو
طرح جمبع الاراء ؛؛؛ ولها مناسبه معينه حيث قال احد الاشخاص لماذا
انت دائم لوحــــــــدك فقلت هذه الابيات:
ماني من اللي خويي كل من جاني=من شان مااونس في ضمن ادروبهاغدره
ولواني ابقى مابين الناس وحداني=رجلي سليمه ولا تمشي بي لعثره
ماجاك عجلٍ زواله قيل عجلاني=لو كان واجد ترى ماالعلم وش كثره
ولاني اشره على علان وافلاني=اللي على الناس ماهو خافيٍ بامره
اناخويي شبيه الذيب سرحاني=سريعٍ ابمفزعه والكامل بصبره
الهرج واجد مادام الهرج مجاني=كلٍ يحط الثماني مثلها عشره
والطيب اللي بطيبه مقصدٍثاني=هذاك يدور بطيبه مكسب الشهره
يصير له موقفٍ ويبين نقصاني=والناس كلٍ بحاله خابرٍ عمره
يامحمداعلم واقول الناس من داني=قليلٍ اللي يزبن ساعة العسره
يامحمداسمع كلامي وانت ذيباني=دربك سليمٍ وصعبٍ سالكه ندره
اناهوايه وكيفي واجمل ازماني=امشي بذودٍ وصوفه نادرٍ ذكره
واللون شعلٍ مثل مترك وقشعاني=والا مجاهيم ابن معضد تجي نظره
لوني اشقى مصير الادمي فاني=وانحر لدارٍ بها الامطار منتثره
والسقس معها ومعهااثنين شيصاني=والصحب خمسه وكلٍ عاصب الغتره
هذاك يعطيك من زينات الالحاني=والاخر اللي صويبه عنده الفكره
مع ذولا عزالله انك منت بلشاني=والجو صافي ولا غطوه بالكدره
تمسي بدارٍ وريح النبت ريحاني=والارض خضرا وضوٍ صاليٍ جمره
ماتعرف اقشر عباد الله وشيطاني=اللي في كل الشوارع دوم منثبره
لاقيل وين المسمى ذاك سلطاني=سماه غايم وزحف السيل من حدره
وســــــــــــلا متكم؛؛؛؛؛؛؛؛؛؛