مذخور اهلنا #السيف المحّنا

[صافي النية]

اخواني هذي قصيدة " مذخور اهلنا " التي اسندتها الى خالي : الشاعر /عبدالله بن وردي الروقي ورد علي بقصيدته " السيف المحّنا "

احببت ان اضعها في منتدى الهيلا وكلي امل ان تنال رضاكم :








مذخور اهلنا






دنت اجــــــــــراس القوافي من هجــــوسٍ ماتعّنا

وش تخفي هالهجـــــوس من الحروف ووش تبدي


هاجسي لا مـــــن سمع ورقــــــا تغني قام غنا

والمـــــراجل ورث ابـــوي وعمي وخالي وجدي


يانديبــــــي لاتوجــهت بكــــــــلامي لاتــــــونا

يــــم قــــرمٍ ولد قــــرمٍ عنده الــــــراي المقدي


رح عسى الله يـــــامنك ياصاحبي والله يــامنا

وانقل اتحية ســــــلام من البنــاخي لابن وردي


وابشـــــر بسمن وسمين ورد هذا العـــــلم عنا

حيث وانك ناصي اللي عن ضيوفه مــــايصــدي


شـــــاعر بيوته جزيله صـــــــاغها بعرفٍ وفنا

ووالله ان بيوت شعـري كلها من قدح زنـــدي


ورثة شيـــــوخٍ جميع الكــــــون والخلق يتمنا

ياصـــــل اللي واصلينه يوم وقفــــات التحدي


عز راسي عـــــز راسك مابهـــم شكٍ وظــــنا

فعلهـــــم لاعدت افعول المشـــــاكيل بيعدي

محتميــــن الاولــــه والاولـــــه "مذخور اهلنا "

احتمــــــوها واذخــــــروها وسلمت يدٍ ابيدي


لكن الــــــوقت المهــــول جاله اسنونٍ واكلنا

ووضعكم يالصفه اللي قبلنــــا صار امتردي


مالكــــــم رايٍ مـــــــــوحد ليش يازبن المجنا

اصلحوا والمصــــلح الله ثم ضدوا من يضــدي


مانبــــــا يفرح عـــــدو ولانبا يســـلب وطنا

ولانــــبا كلٍ يقول الـــــراي ياريجيل عندي


نشـــــره ونعتب علاكم ول يامكبـــر زعلنا

كيف ترضون الخطيه كيف تــرضون التعدي


وين وقفات الحميه ضــــد من هو قد جهلنا

ومن جهلنا فالواقف وش يجيب ووش يودي


والله انـــــه ماتهنا في منــــــــامه ماتهنا

ولو يعاندنا ترى في روسنا زيادٍ وعندي


يفهم اللي مافهم لنكانه انس وكـــان جنا

حقنا ماهو طماعة كل باشـا وكل افندي


ودنا بــــــــرايٍ يجّمع شملنا من كل فنا

مانبا شقر العصــا لالا ولا نرضى التمدي






السيف المحنّا






دن هوجاس الضمـــاير مـــــن ضميـــــــرٍ يوم دنا

احضــــــري مافي هجوسك ياضـماير واستعدي


يادواليب القـــــــوافي جا مجـــــــــالك واصرفنا

اصرفي صرف الذهب فبنـــوك بغداد ورونـــــدي


ادلجي في كل ذوق ليــــــا دلـج معنـــــــاه رنا

وابدي الحيد الرفيع ولن صفى الذوق استمــدي


يارسيلي دَن فـــــــوق الهـــــــاف وزنه كم طنا

ولن وصلت اللي عليه البال في ســـرعتك هدي


منتصي غــــــلاب تلقى القــــــــــرم فبيوتٍ تبنا

تاجده فالمـــــنزل اللي فيه دايم مـــــــايشــدي


ليا لفيته يـــــانديبي تــــــاخذ الـــــــواجب مثنا

واحذر انك صوب غيــــــره تحتدي ولاتلــــــدي


وبلّغه منـــــــا مـــــــراديد الســـلام اللي وصلنا

قل بيوت الشعـــــــر وصلت واستلم فيها مردي


قول ويش ادراك بالاســـــرار وانت صغير سنا

وان بغيت الصـــــدق جاك العلم يارجال شندي


وضعنا ممتـــاز يوم الـــــراي با"لسيف المحنا"

كل يومٍ بعـــــد يومٍ له مقــــــام ويستجــــدي


والعشيه روحــــــت باصـــــداف واقـــلامٍ ترنا

وانت قـــــاري فالمدارس صير فاهم ومتقدي


والسبب تـــرى الحلندي لا وصلتــه مــاوصلنا

وان قديته ما اقتدابي جعل يبكيه الخـــوندي


ماتعــــــــز الراس راخيت المتـــون اليا ارتخنا

مستعدٍ فالــــــــــلزوم وتارك الوجه المهندي


راحت احــــــــرار الرجال اللي عرفنا واتركنا

رجلــــهم في ماقفه يسوى ميه لوكان فردي


في زعلكم مـــــارضينا لا ولا لا تحســــب انا

جاهلين الوضع في شغل المغفل والشوردي


لو تنــــــوح الورق بلحــــان الطرب مايطربنا

شايف وموحي عن الدنيا وما فيها مصـــدي


يا هل الاقــــــلام وين اقــــلاامكم مايسعفنا

همكم محدود في طالب وفي مدرس وجنـدي


وابشر انا يالبناخي واجـــــدين اللــي نتمنا

راعي المــــــد الجزيل ايجيه جــــزلاتٍ تمدي


لو يعـــــاد اليوم الاول والمشــــاعل يشعلنا

مالقيت اللــي يجيب انداي لو مـــــديت يدي


وان مشيت الدرب الابيض عنه مايقصر ضعنا

النقـــا من عندنا مجرود مثل السيـف جردي


وانت لاتجـهل علينا والسبــب مــــاهو بمنا

لاتـــــوجهلي عتابك وجهـــه يم الحلــندي








مع كل الود

[وصل العطياني؟؟؟]

ياسلام..
صوت وصدى ..
تتسم بالروعة والجزالة..
لاهنتوا ..



تحياااااتي

التوقيع

na111na@hotmail.com

[الــوآفــي]

صح لسانك انت وخالك يا صافي

رائعه منك واروع من خالك

لكم مني كل التحيه

اخوك ذيبان

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه