عرض المشكلة يساوي طولها

[فلاح بن مرشد الزراقي]

اسمحوا لها بالمرور ........!

اللي ذبحني ذبح جور الوقت وسنين الضياع = والثالثة فالنفس والله ما قدرت أقولها
سوت لي الأيام جرح(ن) كل لحظة فتساع = وإن كان قالت شي قلت تقولها وتطولها
و أسباب جرحي فالبداية كان حب الاطلاع = وتقليد بعض الناس في هندامها ودلولها
ما عاد في جوفي حماس ولا ثبات ولا إندفاع = طعم الهزيمة مر ... في نفسي سرا مفعولها
الحق ما يوخذ من الأيام تل(ن) بالذراع = و حتى ولا ينهج عنها غير بس اقفوا لها
ما في السنين السود و الله لا ثني ولا رباع = الشكل واحد طالعوا في روسها ورجولها
حتى ولو تجمع .. حقيقة ما يدوم الإجتماع = شف خاتمتها حزن لو أهل الطرب غنولها
ولو حبلها موصول وإن طول يجي فيه إنقطاع = والله ما تكسب ولا مليم من موصولها
تجيب شي(ن) يستطاع وشي ما لا يستطاع = يا قو ضربتها على العالم وثقل حمولها
وتضيعك فالابتداع وفي طريق الإتباع = والمشكلة في رتم منهجها وفي مرسولها
شكل القناع يشد نفسكك والبلا خلف القناع = يصير كافلها ضحية غدر من مكفولها
والانخفاض يصير تال الوقت فوق الارتفاع = وتميل وأنته ما تعدل جورها وميولها
تقضي حياتك لا شعوري في هجوم وفي دفاع = في معركة طول الحياة تصولها وتجولها
فيها المصايب والهموم .. من النسب ومن الرضاع = على مدار الوقت مسرجة(ن) ظهور خيولها
وتشوف عادتها تذبذب فالسجايا والطباع = مجهولها معروفها .. معروفها مجهولها
وتصير جوف النفس عايش في جحيم وفي صراع = ويصير عرض المشكلة عندك مساوي طولها
لكنَ هذا بحث مجمل واستمع قبل الوداع = خبرة مجرب قد بحث فأبوابها وفصولها
بحثت نقل(ن) وقياس(ن) واجتهاد(ن) وسماع = فالمشكلة والحمد للمولى وصلت حلولها
الحل عندي شي واحد وهو حسب الإقتناع = قوم وتوضا ثم صل ( وقل فلاح يقولها )

شعر / فلاح بن مرشد بن خلف الزراقي العتيبي .

[عقاب بن سقيان العتيبي]

وقل فلاح يقولها............
قلت يافلاح بن مرشد الزراقي فابدعت.. في زمن قل فيه الابداع.. او بالاصح في زمن غيبوا فيه اهل الابداع عنوه.. لانهم لامكان لهم مع اهل المحسوبيه حتى لو قالوا ابداعا فانه لايشفع لهم.. ولكن لماذا؟؟؟؟؟؟؟؟؟؟؟؟؟؟؟؟؟؟
جواب لماذا(((وعند جهينة الخبر اليقينا)))!!!!!!!!!!!!!!!!!!!!!!!!!!!!!

تقبل مروري.. وتمنياتي لك بالتوفيق دايما..

[سعود بن سعد الحافي]

صح لسانك يالشاعر فلاح الزراقي

تسلم يالغالي

رائعه كروعة شاعرها

تحياتي لك وتقديري ،،،

[نزهان الروقي]

صح لسانه


وبيض الله وجهك

[فلاح بن مرشد الزراقي]

عقاب بن سقيان العتيبي

سلمت يمينك على كل حرف سطرته أناملك !!!

شهادة أفخر بها ووسام على صدري تلك العبارات التي كسوت بها القصيدة

تحياااااااتي !!!!

[فلاح بن مرشد الزراقي]

سعود بن سعد الحافي

تسلم على المرور

وصح بدنك

ولك وافر التحية !