[ تغطية لأمسية بندر المحيا في أبهـــا..]

[بدر الكريزي]

السلام عليكم ورحمة الله وبركاته

يسرني ويسعدني ان اقدم لكم امسيه فيلسوف الشعر والابداع بندر المحيا



تحت رعايه صاحب السمو الملكي الامير فيصل بن خالد امير منطقه عسير ...

اقيمت امسيه الشاعر الفيلسوف بندر المحيا والشاعر بدر السبيعي

والتي اقميت يوم الاحد الموافق 9/8/1429هـ في مسرح المفتاحه في مدينه ابها ..

وبدا الفيلسوف بندر المحيا بقصيدة منبريه في صاحب السمو الامير فيصل بن خالد ..




واليكم القصيدة سبعين بيتا كل بيت منها عن قصيده واليكم القصيدة كتابيه التي لاتوجدبعض أبياتها في المقطع :


ياطول مايمسي رجا صاهود

............. يبا قصيدة بالجزيل تزود

يبا ليا لقـّت على كاتبها

........... سعيدة ٍ يفرح بها المسعود

عريبة ٍ ببويتها لامرت

.......... طويلة ٍ ولها صدر وعضود

كّتابها من روس قوم ٍ هيلا

............. على العدا لاولـِّع العبرود

ذوي محيا سعد من هم ربعه

.......... هل النضا فالماقف المشهود

تنصا الشجاع اللي عريب ٍ جده

........... اللي عريب ٍ جده ابن سعود

كفو كفو ياسيدي واثنيها

.............. مليون نعم ولاعليكم زود

فيصل ولد خالد مسمى ً واسمه

....... اسم ٍ ماهوب اسم ٍ قبل موجود

اسم ٍ ليا خيّرت فالآسامي

........... عد الروى وهدّاج والقرهود

والله ياجمهور ٍ حضرت الليلة

........... الشعر في فيصل بدون حدود

وانا متنبي عصره المتنبي

................ في نجد يوم ٍ البلاد نجود

ياسيدي من قال فيك المعنى

................ واليا كند بأفكاره الكانود

كذاب من قال الكرام اندفنو

......... وأنته على روس الطوال تجود

أم ٍ ماجابت مثلك آعتبرها

.................. ماجالها ياسيدي مولود

أما تعقم أرحامهن لاتالد

............ وإلا تعيش وورعها مفقــود

ماهوب تفخيم ٍ لمدح الطيّب

............. ولانيب عبد ولاانته بمعبود

لكنّ أبوي يقول لي يابندر

............... خلك لسيدك النقي مسيود



قصيدة الفيلسوف في الامير فيصل بن خالد






وبعدها القى الفيلسوف قصيدة في الوطن








الصبر







الصفحه المنسيه







ماورى حب البنات الا البلاوي







شيله ياجاهل الحزن







شيله ياوجد عيني







واختتم الامسيه بقصيدة منبريه في اهل الجنوب








في ختام الامسيه تكريم للشعراء من قبل راعي الحفل

الامير فيصل بن خالد ولقاءات جانبيه لقناة الصحراء الناقل الرسمي للامسيه

اجراها الاعلامي زبن بن عمير




الفيلسوف حين مصافحه االامير خالد بن فيصل






استلام الهديه التذكاريه







الفيلسوف مع الشاعر الشاب بدر السبيعي






قناه الصحراء في مقابله مع الفيلسوف بندر المحيا










الفيلسوف مع الاعلامي زبن بن عمير مذيع قناه الصحراء






ابـــــــتـــــسامه











منقول من موقع الشـاعر

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

آخر تعديل بدر الكريزي يوم 01-Sep-2008 في 03:14 AM.

[مزيد العصيمي]

كفو يالذيب


ياسلام تغطيه وافيه من وافي


تسلم يالغالي ولاهنت


دمت بخير

[بدر الكريزي]

الله يسلمك يا مزيد ..

ولا هنت على المرور ..

[حمـد المقاطي]

يعطيك العافية

يا بدر

وما قصرت

ولاهنت على النقل

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[بدر الكريزي]

الله يعافيك يا حمد ..

تسلم على المرور ..

لا هنت..

[وافي الخماش]

لا عدمتك يالذيب نقل ولا اروع ..

[بدر الكريزي]

الأروع مرورك يا وافي ..

لا هنت ..