أن ذبحتك بالغلا ذبحـك حـلال ؟؟؟؟ ســــداح

[فيصل المسعودي]

الــــشــــاعـــــر/

ســــداح

يا رهيف الحس يا عذب الخصال=المحبّـه لـد عينـك يمّـهـا
منت ناقـص ميـر لله الكمـال=فيك حاجه مـا قـدرت تتمّهـا
تنفعل وأنا مـا أحـب الإنفعـال=وتلبس الضيقه وتنفض كمّهـا
لا تقول المسك من دم الغـزال=وأغلب الغزلان ما أثقل دمّها ‍؟
معتقلني يا هوى البال إعتقـال=شب نـارك والمياسـم حمّهـا
رز خشمك وأزعل وروح وتعال=والهبوب اللـي تمـرّك شمّهـا
مير جاوبني على قـد السـوال=ليـه تنثـر حيرتـي وتلمّهـا
أن ذبحتك بالغلا ذبحـك حـلال=وان تركتك كل نفـس وهمّهـا
سقت لك كل الجوارح بالعـدال=وأنت ابوها عقب جاتك سمّهـا
وصورتك لا جابها وحي الخيال=عيني أخطتهـا وقلبـي خمّهـا
لا تخليني معك مضـرب مثـال=أدعس الحيـه تمـوت بسمّهـا
خذ نصيحه تنفعك في كل حـال=كان لك قلـب ٍ كبيـر يضمّهـا
أعتقد ما يجهلك فرق الرجـال=ولا يغرّك مدحهـا مـن ذمّهـا
أنتبه تعطي لخلـق الله مجـال=شرهتي مابين أبوهـا وأمّهـا

منقوووول

[عبدالله الجـــذع]

لا تقول المسك من دم الغـزال
وأغلب الغزلان ما أثقل دمّها ‍؟


سدآح ماشاء الله عليه

شاعر يكتب بمخيله الماسيه

الله لايضره

قصآئده جلها رآئعه وجميله

الف شكر لك يافيصل على الانتقااء الرآئع

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

ياسلام

صح لسان المبدع / سداح ..

ولاهنت يافيصل ..

تحيتي
..

التوقيع

للتواصل عبر twitter تويتر al_bargawy@

[فيصل المسعودي]

المشاركة الأصلية كتبت بواسطة عبدالله الجـــذع

لا تقول المسك من دم الغـزال
وأغلب الغزلان ما أثقل دمّها ‍؟


سدآح ماشاء الله عليه

شاعر يكتب بمخيله الماسيه

الله لايضره

قصآئده جلها رآئعه وجميله

الف شكر لك يافيصل على الانتقااء الرآئع

محبك
.,

صدقت والله شاعر يملك شاعرية كبيرة

شكراً لك على مرورك الرائع ياغالي

دمت ودام تواصلك

تحياتي

[فيصل المسعودي]

المشاركة الأصلية كتبت بواسطة محمد العتيبي

ياسلام

صح لسان المبدع / سداح ..

ولاهنت يافيصل ..

تحيتي
..

هلا والله محمد

شكراً على مرورك المبدع

دمت ودام تواصلك ياغالي

تحياتي

[عبدالرحمن الهيلوم]

قصآئده رآئعه وجميله

الف شكر لك يافيصل على الانتقااء الرآئع

[فهد العطاوي555]

بارك الله بك , شكراً أخي الكريم

[أخو جوزا]

مير جاوبني على قـد السـوال
ليـه تنثـر حيرتـي وتلمّهـا


صح لسان قائلها وتسلم يمين ناقلها

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾