ودنا نلعب طويريق من قبل المراح

[بناخي صياف]

ياسلام الله عليكم عدد زرق الرماح = تاصل ا لعبدالله وتاصل الشعب الوفي
ودنا نلعب طويريق من قبل المراح =مار لايزداد فالكاس ماه وينكفي

[علي فلاح العضياني]

مرحبا عداد ما ثار من بطن السلاح=تاصل اللي بانت الناس و هوه مختفي
هات ما عندك و عجّل قبل نور الصباح=الرجال أهل الوفا نارها ما تنطفي

التوقيع

(( رأس الحكمه مخافة الله ))

[بناخي صياف]

يالعضياني ليا كنت دكتور الجراح = فيه جرح يظهر وفيه جرح يختفي
يوم توزيع البشوت الجديده يالفلاح = ليه ما سلمتني يوم جيتك معطفي

[علي فلاح العضياني]

الحياه الله يسلمك يالحربي كفاح=ما يفوز اللي بنظرة عيونه يكتفي
المزون تسوقها يمّكم هوج الرياح=وأنت جوّك في قتمه و عجّه ما صفي

[بناخي صياف]

الحياه اما رسوب الفتى ولا النجاح = وان نجح ياخذ شهادة وكلٍ يعرفي
وانت يالعمده معك ختم وبيدك السماح = في حقوق الناس لاتبخس ولاتسرفي

[بناخي صياف]

بيض الله وجهك يبو فلاح

وانست وشرفت الله لايهينكم



وانتظرني الليله



وابرك التحايا لك وللمتابعين

آخر تعديل بناخي صياف يوم 09-Sep-2008 في 05:59 AM.

[علي فلاح العضياني]

الله يوفقك درب الهدايه و الصلاح=لين في روس المشاريف بكره تشرفي
عارفين الحلّ و الحرم و نعرف المباح=و الرجال حقوقها عندنا ما تنهفي