:: الله يبيحك يابخيت العطاوي ::

[ماجد المحياني]

السلام عليكم ورحمة الله وبركاته

قصيده متواضعه اتمنى ان تنال استحسانكم

هاض الضمير وقام يعزف له لحون = على وتر فكري يجر الغناوي
يطرب لها الهاجس ويطلب ويعطون = جزل المعاني والقصيد الرهاوي
امعطرن قافي وبالعود مدهون = ومشكله مابين كادي وجاوي
أصوغها وسط الحشا لين يحمون = وأزل شعري مثل زل القهاوي
أسوقها للي لها القلب ممنون = الجادل اللي ماتجي بالمناوي
اللي غدت بالزين عن كل مزيون = وأستيسرت قلبي وقلب الهواوي
اليا أقبلت ماعاد ياسعني الكون = واليا أدبرت زرت الطبيب المداوي
الها وفا من بين الأضلاع مصيون = ولها غلا كلٍ جهل وش يساوي
ماتعرف الفرقا ولا تعرف تخون = وما تقرب اللي بالردى له حراوي
تفننت بين النساء بعدة فنون = وأركت على كبد العذول المكاوي
تطرب ليا سمعت بها الناس يحكون = وتسكر على لبس الدلع والغناوي
تخدش شعور أسماء وميساء وميسون = وتتبع خطاويها عهود ومضاوي
تمشي غنج مثل الظبي تمشي بهون = وتسلب عقول اهل الفعل والحكاوي
لامرت اللي شايلٍ فوقه ديون = اللي حياته بين صبر ورجاوي
يضحك ولو أنه من الدين مشحون = لعيون من تقسى عليه الغطاويِ
صورها ربٍ عنده الرزق مضمون = الواحد الخالق مجيب الدعاوي
ولو أنها شيفت قبل عدة قرون = الله يبيحك يابخيت العطاوي
كان أصبح بشعره مثل قيس مجنون = وراحت علومه بين قاصد وراوي
حفظتها والحب ماهوب مامون = أما سعد راعيه ولا شقاوي
الله يجنبها عن عيون مشطون = والله يكافيها الحسد والبلاوي

[عبدالرحمن الهيلوم]

صح السانك يالغالي

[أبو نجر النفيعي]

...

الله الله الله يا ماجد

لله درررررك ..

صح لسانك على هالجزله .. وفي انتظار جديدك ..



أخوك

التوقيع

.....

[ماجد المحياني]

عبدالرحمن الهيلوم





يعطيك العافيه على المرور وأنا أخوك

[ماجد المحياني]

أبو نجر أشكرك على المرور الطيب




وبيض الله وجهك

[معجب العتيبي]

...

الله الله الله يا ماجد

لله درررررك ..



صح لسانك

التوقيع

[عبدالله الجـــذع]

لافض فوك ولاعاش حاسدووك

دره ثمينه وجميله

لاهنت يالغالي وصح لسانك وقلبك

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد النخيش]

ياسلام عليك ياماجد مبدع مبدع الله لايهينك



وبيض الله وجهك وصح لسااااااااااااااااانك

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[الحنتوشي ساجر]

صح السانك وبيض الله وجهك على هالجزاله

[ماجد المحياني]

معجب العتيبي




صح بدنك يالغالي