ياهل الجموس الي تبون القراره * * * دوكم وصاتي جعلكم سالمينا

[مشاري الحبردي]

السلام عليكم ورحمة الله وبركاته

قصيدة اجتماعية للشاعر / مطلق بن هادي الحبردي وهي تعبر عن نفسها :-

ياعيال شبوا النار واملوا وجاره = اكرامنا للضيف حق علينا
وانوا على درب المسافير عماره = اغدي الى مر المسافر يجينا
وحطوا على راس العماره اشاره = حتى الى تاه الدليلة تبينا
نبي مع الطرقي تجينا البشارة = ونبي علوم الي نبيه ويبينا
مالوم قلبا قد تولع بدراه = بشوف الديار الي على ارضه ربينا
دار الربوع اهل الكرم والوقاره = دار لنا وجدودنا الاولينا
ياهل الجموس الي تبون القراره = دوكم وصاتي جعلكم سالمينا
فيها تحياتي وزين العبارة = للي لهم بالقلب ودا مكينا
مروا على مسفر الى شب ناره = يذبح لكم كبشا مربى سمينا
وان تهتوا بالاول عليكم بجاره = يفرح بكم لا شافكم مقبيلنا
ماهوب مثبور يحسب جفاره = ولاقط يوم قلط الغانمينا
اقفا شباب العمر واقبل وداره = والله على خير الامور يهدينا
وصلاة ربي كل ليل ونهاره = على نبي ثبت الشرع فينا

والسلام عليكم ورحمة الله وبركاته

[محمد بن غازي]

صح لسان الشاعر .... وتسلم يامشاري

[محمد العتيبي]

الله الله

صح لسااان الشاعر / مطلق الحبردي


ولاهنت يامشاري على الانتقاء الوافي ..


تحيتي
..

التوقيع

للتواصل عبر twitter تويتر al_bargawy@

[مشاري الحبردي]

صح بدنك يا محمد

لاهنت يالمشرف

[مشاري الحبردي]

ولاانت يامحمد


ياهلا

[محمد الحميدي]

كفو يالحبردي بيض الله وجهك

على النقل الرائع

التوقيع

[ابن الشايب]

لاهنت اخوي مشاري الحبردي
وصح السان الشاعر وانا اشهد
انكم هل الكرم ياهل القراره
ولاهي غريبه عليكم

[مشاري الحبردي]

ووجهك ابيض يامحمد


لاهنت على المرور

[خالد مطلق الحبردي]

يا مشاري تقدر تعدل ولا انتهت فترة التعديل لان فيه أخطاء إملائية

وانوا = وابنوا

على درب المسافير =على درب المسافر



عموما ألف شكر لك يا خالي وسلمت يمينك

طبعا الشاعر هو أبي وشاهدتي فيه مجروحه ( عبارة تقليدية )

[خالد بن مورق]

صح السااااااااااااان الشااااااااااعر الحبردي