نايد .. الناس ..

[محمد الـعـريدي]

عذراً على الغياب :: :: ..

لعلها أن تشفع لي .. ..

أحرصْ على الطيّب ولو نايـد النـاس = والأ ردي القـوم .. يبـقـى لحـالـه
دربي مع اللي كاسب(ن) كـل نومـاس =راع الكـرم والجـود وراع الشكـالـه
من روس قوم(ن) فعلهم يرفع الـراس = نِعمْ الرجال .. أهـل الوفـاء والجمالـه
رجل ٍ سنافـي مامشـى درب الأدنـاس = مبعـد عـن دروب الـردى والرذالـه
الصاحب اللـي وقفته تبعد الياس = له ماقف.. كـان الزمـن شـان حالـه
عون اللذي .. في دنيته ذاق الأتعاس = ياعنـك .. ماخيّـب رفيـق(ن) عنالـه
والأ الـردي مالـي معـه أيّ مجـلاس = أفضّـل العزلـه .. ولا أجلـس قبالـه
راع النمايم والـردى خامـل السـاس = مامنه فود .. الأ علـى القلـب عالـه
مجمّع إعلوم(ن) .. على غير مقيـاس = يطرد ورى إعلـوم الـردى والهزالـه
إليا هرج هرجه .. كـذوب(ن) وبـلاس = يهرج علـى كيفـه .. وعمّـا طرالـه
لايستحي .. ولاينتخي .. ولا له إحساس = ولا يقضي اللازم .. ليـا جـاء مجالـه
من دنيتـه ماحـاش ياكـود الافـلاس = ومهما حصل .. فالوقت تقصـر حبالـه

7
7

بـ/ قلم : محمد وليد العريدي ..