بالسف الاملح طوقو نجد تطويق((للشاعر شباب بن فايح العضياني))

[عاشق الاطلال]

عديت رجم ٍمن طوال الشواهيـق=يطرقني الغربي براسه لحالي
واخذت به مجلاس واسج وافيق=وابيع واشري في زمانن مضالي
وذكّرعلي الرجم نضم الطواريـق=شوف الدياراللـي ربوهاالاهالـي
وهلت عيوني بالدموع الغواريـق=وقمت اتخيلهـم بشـوف ٍخيالـي
قطعانهم ترعى رطيـب الزماليـق=وبيوتهـم فيهاالـذرى والظلالـي
يفرحبهاالطرقي ليانشـف الريـق=الياحدنـه موحـشـات الليـالـي
يلقى رجال تشنق الحيل تشنيق=وغيرالشحم والكيف حسن القبالي
ماعندهم للضيف خصة وتفريـق=الاجنبي مثـل الرفيـق الموالـي
ياماحلا دقلـت ضعنهـم لياسيـق=مع درب وسمي ٍصدوق الخيالـي
لياعطاالله من صـدوق التحاقيـق=و قرّت هبوبه والخيـال متتالـي
ثم جاهم العساس وهمه مشافيـق=وذكرلهم عشـب ٍغديـره زلالـي
وشالوا على اللي ينقلن المعاليـق=يازين سوق مدحمـلات الجمالـي
العصرفـي واد ٍفياضـه مغاديـق=فيها زهورالعشب مثل الوزوالـي
وتغانمودمـث المنـازل مشاويـق=في ارض ٍعذا توه من السيل سالي
بسمرالبيوت مخلـلات الاراويـق=سود ٍتشيّد مثـل سـود الحيالـي
وتوافدوفي مجلـس ٍيبعدالضيـق=وجات السوالف والعلوم الجزالي
سوالـف ٍجزلـه ومصدرمواثيـق=كل يجيب الانصاه السؤالي
طرايفن مثل الذهب فالصناديق=توزن وتنقد مثل نقد الريالي
وكيف ٍيحوفونـه عيـال ٍمطاليـق=ناره شعام وحـس نجـره يلالـي
يعمل برسلان ٍسـوات الغرانيـق=ومخالط ٍ لون البيـاض اشتعالـي
فنجاله اشقر كن لونـه لياسيـق=كنه بوسـط الصيـن دم الغزالـي
ماصفروا وقت الضحى فالمشاريق=مصباحهم فـي نايفـات الجبالـي
تفاقهم يطـرح طـوال المعانيـق=ليا عروجـن بارقابهـن للتوالـي
بمسلبـات ٍكنـهـن الغرانـيـق=ميقاعهـن سيرالنحـر والكحالـي
بايمان شعوان العيـال التفافيـق=اللـي لهـم فالطايـلات امتثالـي
من اولاد روق اللي تفك المواسيق=قطاعة الفرجه جنـوب وشمالـي
ومن حرة الروقة ليا شمّخ طويـق=ترعابهم شيب الغوارب اعجالـي
ترعى نبات ٍقبلهـم قفـر ماذيـق=واهمه جنبها فـوق قـب ٍغوالـي
حامينهابمـوصـلات المـزاريـق=ودهم الفرنج ومرهفات السلالـي
عسى لهم من عند ربي توافيق=أخلو ظهرها وأصبح الدار خالي
عبرت عن ماضي سلفهم بتعليق=ولالي على باق القبايل مجالي
تاريخهم يشهد لقولـي بتصديـق=وتشهدلهم دار ٍخذوهـا احتلالـي
قدام حكـم مطوعيـن المطافيـق=للي لهـم هيبـه وحكـم ٍعدالـي
بالسيف الاملح طوقوا نجد تطويق=وعنها ظلال الشرك والخوف زالي

[محمد العتيبي]

من اولاد روق اللي تفك المواسيق
قطاعة الفرجه جنـوب وشمالـي
ومن حرة الروقة ليا شمّخ طويـق
ترعابهم شيب الغوارب اعجالـي



الله الله

ونعم بالاد روق ونعم بعتيبه كلها ويستاهلون
صح لسان الشاعر الكبير : شبّاب بن فايح العضياني ..
على هذه الرائعه الجزله ..

عاشق الاطلال سلمت يداك وما
قصرت يالغالي ..
...

التوقيع

للتواصل عبر twitter تويتر al_bargawy@

[عبدالله الجـــذع]

الله اكبر

شامخه
قصيده عصماء
صح لسان الشاعر الكبير شباب العضياني
والف شكر لك يالغالي
محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عاشق الاطلال]

ابومشعاب

لاهنت يالغالي على المرور وشكراً من الاعماق

[عاشق الاطلال]

عبدالله الجذع

لاهنت يالغالي على المرور وشكراص من الاعماق

[الامير حريبيش]

قصيده جزله من شاعر جزل ومعروف
مشكور اخوي علي الموضوع