عـــــلـــي فــــــلاح العــضـــيـــانـــــي . تفضل .

[قادح شرار]

الأستاذ علي , صبحك الله بالخير , أسمحلنا بالأستفادة من شاعر فذ مثلك .

سلام الله مثل سحاب ٍ فيه براق ورعد = والذيب يعوي مير يبغاله ذياب تجاذبه
نادولي الفالح علي ..عن ماقفه لا يبتعد = يكره يقابل قادح ..وقادح يجيه ويطلبه

[علي فلاح العضياني]

صبّحك الله بالنور ولا عليك زود

واستلم

يا مرحبا يا شاعرٍ طالع من اليوم و بعد=واللي مضت لك تعتبر محاولات و تجربه
صحيح أنا أكره من يلوّ الحبل و يزيد العقد=وآفرح بشروايه ليا قامت صفوف الملعبه

التوقيع

(( رأس الحكمه مخافة الله ))

[قادح شرار]

العام برّكنا بعيرك وأنت خابر يا ولد = برّكته فوق زاره بعد ضربة جاته فركبه
خابرك تكره من يهد الجدر من فوقك هدد = شخص ٍ ليا شاف الحنش يقص راسه وذنبه

[علي فلاح العضياني]

إبعيرنا يهدر على الناقه وجاين له زبد=إن كان برّكته طبيعي شيّ ما نستغربه
مع إحترامي لك تراك مع الجماعه ماش أحد=والبدو ما ساقت ضعنها للدّيار المجدبه

[المعتصم بالله]

ههههههههههههه

صح لسانك ياعلي

انحش يا قادح ههههههه

صح لسانك يا قادح

[عيد العازمي]

يـــــــــــــــــــادافع البلا


هذا والله المصامخ



حولالانا ولاهو علانا


صح لسان المبدعان قادح وعلي


ومتابع للاستفاده


والصف يقدح شرار من الحماس

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[خالد المقاطي]

صحيح أنا أكره من يلوّ الحبل و يزيد العقد
وآفرح بشروايه ليا قامت صفوف الملعبـه




ههههههههه



!!؟؟






متابع


..

[قادح شرار]

ليت البعير الأول فليلته يا عالم رقد = من بعد ما خلـّف بعير ٍ كل قوم تسحّبه
بعض البدو لا ضاع حقه قام بعلوم وقعد = والحمد لله قادح مريّح ..ويدهن فشنبه

[قادح شرار]

المشاركة الأصلية كتبت بواسطة المعتصم بالله

ههههههههههههه

صح لسانك ياعلي

انحش يا قادح ههههههه

صح لسانك يا قادح

حياك الله يالمعتصم .

صح بدنك .

مشكوووور على مرورك طال عمرك .

[قادح شرار]

المشاركة الأصلية كتبت بواسطة العازمي

يـــــــــــــــــــادافع البلا


هذا والله المصامخ



حولالانا ولاهو علانا


صح لسان المبدعان قادح وعلي


ومتابع للاستفاده


والصف يقدح شرار من الحماس

حياااااااك الله يابو طلااال .

متابعتك تاج وفخر .

والصف يزهابك وما يستغني عنك .

مير خلك قريّب , الله يكفينا شر المجرم الفالح .