تـــــطــــرف يا علي,,,

[عبدالله الاصعر]

تطرف يا علي قدام لا يسري علينا الليل=نبا ناخذ لنا طاروق والعمله سعوديه
ابا اساهم مع التجار واتعب ظهور الخيل=بعد شفت الغلا فالسوق والعمله سعوديه

[علي فلاح العضياني]

توكلنا على الله شدّ حيلك يا قويّ الحيل=و خل الرمي كلّه فوق والعمله سعوديه
أنا خابرك رجالٍ تكيل و لا بخست الكيل=لكنّ الشعر فنّ و ذوق والعمله سعوديه

التوقيع

(( رأس الحكمه مخافة الله ))

[المعتصم بالله]

الاصعر صح لسانك،، وانتبه من الفالح تراه من البارح يحد نيبانه

وانت تناولته ههههه

علي صح لسانك ملايين والصف صفك

متابع للاستفادة

[فهيد الايدا المورقي]

الاصعر صح لسانك

الفالح صح لسانك


طاروق جميل

[عبدالله الاصعر]

انا ماني براعي ميل وانته ما تعرف الميل= الك حق وعليك حقوق والعمله سعوديه
انا اشوف العرب من عصرها وهيه تحط تشيل= تحط تشيل فوق النوق والعمله سعوديه

[عبدالله الاصعر]

المعتصم بالله حياك الله


لا ازهله بوريك فيه ههههههههه



بناخي الايداء صح بدنك يالغالي مشكور على تواجدك

[علي فلاح العضياني]

مدام انّك سريت أمرح و خل الشعر عند قبيل = و لا تشغل ولد فاروق والعمله سعوديه
تعرف أهل الكتاب تحرّف التوراه و الانجيل=وانا مسلم و ربعي روق والدوله سعوديه

[علي فلاح العضياني]

المعتصم بالله


صح بدنك طال عمرك و يعطيك الف عافيه

[علي فلاح العضياني]

بناخي الايدا


صح بدنك



اشكرك على مرورك طال عمرك




تحياتي

[عبدالله الاصعر]

يبين الفرق بين العقربية ياعلي وسهيل= نجوم وبينهن افروق والعمله سعودية
جزاء اللي حرف الانجيل عند الله وادي ويل=يجازي الخالق المخلوق والعمله سعودية