تطرف يا علي قدام لا يسري علينا الليل=نبا ناخذ لنا طاروق والعمله سعوديه
ابا اساهم مع التجار واتعب ظهور الخيل=بعد شفت الغلا فالسوق والعمله سعوديه

توكلنا على الله شدّ حيلك يا قويّ الحيل=و خل الرمي كلّه فوق والعمله سعوديه
أنا خابرك رجالٍ تكيل و لا بخست الكيل=لكنّ الشعر فنّ و ذوق والعمله سعوديه

انا ماني براعي ميل وانته ما تعرف الميل= الك حق وعليك حقوق والعمله سعوديه
انا اشوف العرب من عصرها وهيه تحط تشيل= تحط تشيل فوق النوق والعمله سعوديه

مدام انّك سريت أمرح و خل الشعر عند قبيل = و لا تشغل ولد فاروق والعمله سعوديه
تعرف أهل الكتاب تحرّف التوراه و الانجيل=وانا مسلم و ربعي روق والدوله سعوديه

يبين الفرق بين العقربية ياعلي وسهيل= نجوم وبينهن افروق والعمله سعودية
جزاء اللي حرف الانجيل عند الله وادي ويل=يجازي الخالق المخلوق والعمله سعودية