ما كلّ من نادوه رجـّــال , رجــّــال

[وافي الخماش]

رائعة من روائع الشاعر / وصل العطياني

يالله أنا زابنك عن ضيقـة البـال
يافـارج الضيقـات بالإنفـراجـة
بالي يضيق وداخـلٍ فيـه ولـوال
مدري متى يركد ويصفي مزاجـه
مامقصدي شبعـة ولاقلـة ريـال
ولافي من سموى العذاريب حاجـة
قصدي همومٍ جتني ألوان وأشكـال
من وقتنا اللي صار فيه إنعواجـه
وقتٍ علينا طلّـع أجيـال وأجيـال
فيها الخيانـة والغـدر والهماجـة
غير الحسد والبخل وطبوع الأنذال
تحسد سـلام ومرحبـا والمواجـه
والرجل ماهو من لبس بشت وعقال
وإلا يجيك أبيض سوات الخواجـة
بعض العرب ماغير ياساتر الحـال
لوتفتشـه والله مايسـوى (......)
ماكل من نـادوه رجـال . رجـال
الرجل واضح والحلاجـة حلاجـة
الرجل من يحمـى كلامـه لياقـال
ويجيك للخاطر بشـوشٍ حجاجـه
ولاصك دون الناس بابه بالأقفـال
وإلاّ ليا جاء الضيف طفّى سراجـه
ولياطلبتـه رأي حــلال فـتـال
يعطيك زبدة هرج ماهـو علاجـة
هذا وأنـا لازلـت للقلـب عـذال
أبى أعذله لين إني ألقـى علاجـه
وإن مالقيت علاج تـراي رحـال
رحلت فـي بـرٍ وسـاعٍ فجاجـه
في مدركة ماعاد للـروح منـزال
فيها الصبا والجو تصافق عجاجـه

[/عبد العزيز الجذع/]

الله الله الله.....



رائعة جدا يالرائع...



الف شكر ياوافي...



صح لسانه...



تحياتي....

[وافي الخماش]

عبدالعزيز الجذع

شــآإكــر مرورك لا هنت ..

[عزام عتيبه]

ابداااع


مشكور ويعطيك العافيه

[عبدالله الجـــذع]

صح لسان شاعرنا الرآئع وصل

قصيده جميله جدا

لاهنت يالغالي

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

وافي الخماش ..
لاهنت على القصيده ال رائعه للمبدع
وصل العطياني ..
سجل اعجابي بك
..

..

التوقيع

للتواصل عبر twitter تويتر al_bargawy@

[وافي الخماش]

عزام عتيبه

شــآإكــر مرورك يالذيب ..

[وافي الخماش]

عبدالله الجذع
شــآإكــر مرورك وتواصلك يالذيب ..

[وافي الخماش]

ابو مشعاب

شــآإكــر مرورك يالذيب ..

الله لا يحرمنا شوفة هالوجيه الطيبة