انت منت عتيبي

[نجر بن هاجد]

من القصص الي حصلت لي مره من المرات ايام الدراسه كنا العتبان الوحيدين في هذا الفصل لكن هو كان متمسك وبقوه بلهجت العتبان وانا كنت اخذ منه بعض الكلمات المهم الطلاب في الصف يشوفون الفرق بين كلامه وكلامي انا مولد في هذي المنطقه لكني لم انساء اصلي وفي الاجازات ارجع الى الديار ولكني لا انطق الكلمات العتيبيه الى مع اهلي لان زملائي ماراح يفهمونها وزميلي العتيبي متربي في الديره ومولود فيها وكل كلامه عتيبي بعض صغار العقول ومنهم للاسف المدرس الي هو المفروض يكون قدوه وهو الي بداها قال انت يافلان منت عتيبي لكن زميللك هو عتيبي اصلي وانت تقليد الظاهر في جبهتي مكتوب صنع في الصين قلت لمعلمي الفاضل انا مع الاهل اتكلم كلامي الاصلي ومعكم انتم كلام عادي الي تفهمونه فانا ابي رايكم بخصوص اللهجه العتيبيه وهل انتم مع التكلم بلهجتنا العتيبيه امام الغير عتبان مستني ردودكم

[@ـايل]

اخوي نجر بن هاجد الله يعطيك الصحه والعافيه على الموضوع المشوق والطيب

واعتبر كلام هذا المدرس ظهر من فراغ لانه فارغ العقل نسال الله السلامه

اما عني انا فاتكلم جميع اللهجات حتى الجنوبيه اتكلمها مع اهل الجنوب وكل قبيله اتكلم معها بلهجتها وهذا شي طبيعي .......



اشكرك كل الشكر اخوي نجر ابن هاجد على الموضوع الطيب بطيب صاحبه

التوقيع

تويتر : AlHooL@

آخر تعديل @ـايل يوم 10-May-2008 في 12:30 AM.

[نجر بن هاجد]

مشكور ياهايل ويامرحبا فيك يالغالي منور الصفحه

[أبو صقر]

يعطيك العافيه يانجر
موضوع فعلا يحصل لبعض الشباب واللى ينظر من هالمنظور نظره مايتعدى خشمه يعني انا عتيبي واسكن في سكاكا الجوف في اقصى الشمال بطبيعة الحال المربى له دور كبير على لهجتي وعلى معيشتي بشكل عام او عتيبي يعيش في الكويت ولا اي مكان اكيد رايح يتكلم لهجة المجتمع اللي حوله وحتى عتبان الحجاز لا يتكلمون بما نسمع عنه باللهجه العتيبيه لهجة اهل نجد واللي يتكلم هذه اللهجه ثق تماما انه عايش بين ربعه وان عاش في اي مكان اخر ستتغير لهجة ابناءه الى المجتمع اللذي يحيط بهم





تحيتي .......

[نجر بن هاجد]

مشكور اخوي سطام روق انا صحيح اني عايش في الشرقيه لكن مع الاهل اتكلم كلام عتيبه نجد لا اني لازلت احتفظ بها من خلال روحاتي للديره

[محب الهيلا]

الأخ نجر

هذا الموقف دائماً يحصل معنا وخاصة حنا اللي في الحجاز وبالأخص في

جده تجد ان كثير من يسألنا من جد انتم عتبان

واذا قلنا ايه عتبان يستغربون ليه لهجتنا متغيرة ماهي

مثل اهل القرى والهجر


بالطبع ساكني المدن تتغير لهجتهم ولكن سرعان مانرجع للديرة


((وتعود لجدودها ولو قرحت)) اكيد تعرفون هذا المثل

[راعي الشوشلية]

لاهـنـت ع ـلـى آلـطـرح آلـ ج ـمـيـل


تـقـبـل مــرـوري،

[ابوزعبه]

ابك هو علامه اعتقد ان المشكله ياقلبي في المجتمع والتربيه اساسا تلعب دور المعلم من الوالدين

[القادم بقوة]

المشاركة الأصلية كتبت بواسطة محب الهيلا

((وتعود لجدودها ولو قرحت)) اكيد تعرفون هذا المثل

انا اشهد
وليه ما نعرفه




المدرس هذا عقله بين رجلين
والا عمر اللهجة ما اخلفت النسب او اثبتته

آخر تعديل القادم بقوة يوم 10-May-2008 في 07:19 AM.

[دوسي زهراني]

الف شكر يالغالي ..


انا في نظري ان اللهجه مافيها عيب ولامشكله .. بالعكس ...