رد عبدالمعين بن عقل على نايف

[سلطان نايف العضياني]

يسرني أن أطرح لكم هذه القصيده للشاعر عبد المعين بن عقل ردآ على الاخ نايف العتيبي ولكن لم اجد قصيدة الاخ نايف ومنهآ هذا البيت..

يابو فهد ماشفتلي بكرتلي=عفرآ شناح الصدر بنت الغزاله

فرد عليه عبد المعين بقوله ..

الطرقي اللي جايني مرسللي=من صاحبن يشكي ذهيبن غداله
انا معه حالي ومالي وكلي=حالي ومالي دون حاله وماله
غالي وياجبله علي التغلّي=وان مابذلت أله الجهد ويش انا له
مار اركبوا ياهل النضا فزعتلي=تكفون ياللي تقدرون الجماله
قالوا ركبنا فوق ايوالله اللي=نومر على درب الهدى والسهاله
وركبوا على حسب الطلب حشمتلي=كلن ولد مافيهم اللي عزاله
على هجاهيجن ليا اقفا يتلي=مثل النعام اللي تزايد جفاله
حيلن تقول اردوفهن فرش زلي=وذرعانهن ملحي عود السياله
دقاق الاسافل واللحم مستقلي=عراض الجنايب والمفاصل جلاله
في حليهن في مايقول المحلي= ترعا الودايا قبل ترخص دلاله
ويوم أذّن المذن وصلّى المصلي=الكل منهم جاب قشه وشاله
والكل منهم خاطره مسفهلي=وكلن يغني والطريق استواله
اول يسند للحجاز متعلي=بحدود جيزان اليمن منتهاله
مروا بشيخن جانبه مايملي=شيخن عريبن ساس ابوه وخواله
تلقى سديرين باهلن يهلي=يثنى عليه المجد حيثنه آله
محمد الاحمد زبون المتلي=زبن الضعيف ليا حجا والتجاله
يعوذبه ويلوذبه من يذلي=منصوب حكّام الشرف والعداله
ولاهو ولد عمي ولا صاحبلي=ولا اعرفه ألا من مكارم فعاله
ولا تنشده عن الذواهب تولي=لا هوب فالحروه ولا هن حواله
ألا وخصه عن ثلاثن هن أللي=ماغيرهن شي(ن) تصوّر إبّاله
دلّه وصينيه وهرجن يسلي= ومجدن على دبّة حياته يناله
ومنها نصا العارض ودينه يحلي=ينصا قرايا نجد ينشد رجاله
ومنها بخضبات المطارق يملي=ماكف حقل إليا تبوك يعناله
وينبع ورابغ وانكفن وارجعلّي=وكلن يعبر في جوابه سواله
والله لدورت الخبر ماحصلي=فالشرق والغرب وجنوب وشماله
ولا للعرب عندي كتابة سجلي=المعذره واللي غداله غداله
ولو ان مشكلها بربطن وحلّي=حليت مشكلها على شان حاله
يانايف اسمح لي وما قل دلّي=واجعل لّي العذرا سماحن مياله

عبدالمعين بن عقل بن ثعلي

[أخو جوزا]

الله يرحم الشاعر العلم عبدالمعين بن ثعلى.

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[سلطان نايف العضياني]

أخو جوزاء مشكور