قصيده أثريه للشاعر المرحوم عايد ابوخرص الحمياني شيخ قبيلة الحميه (أرجو التثبيت)

[سعودالعتيبي]

يقول عايد من كلام يورخه=كما خط قاري في جنوب حجار
أقول من حلمي وعلمي ونيتي=خيار المعاني عقلتن وبيار
يستتر راعيها بعيشه هنيه=ويحط له فيها دخن وبرار
لاقوم تاخذها ولاهي بغاديه=مقيمتن لأهلها دبة الأعمار
مقيمه لأهلها صفتن عقب صفه=وترى شهودي جملة الحضار
ومن بغى العزه يدور بدارها=طوال المناكب فطرن وبكار
ليامنهاعند العشير ترازمت=سعد العيال ومنوة الخطار
قدحانها يوم الدهور مقيمه=عليها كما عمايم التجار
ويشري لها من سبق الخيل مهره=ويشجي بها مع هل الزعم وجكار
يشجي بها مع سربتن من عتابه=نزالة القطر الشفيق جهار
ياناس نسم الرياجيل واحد=ميرالمذاهب رايحات انفار
فيهم رياجيلن حصونن ذريه=وفيهم رياجيلن سقايف نار
ورجال شعشوعن يحب الرفاقه=كما زند مسحل كلبوه شرار
ورجال لاينطعن به ولا ينزرق به =وليا هبط سوقالمبيعه بار
ورجال راعي كرمتن مشتقي بها =ضاري بها لو غليت الأسعار
ورجال راعي بخل بخلن مصلع=كشف حال من يمشي بغير ستار
ورجال مثل النجم في ليلة الدجى=يسرا بنوره والليال غدار
ورجال يأخذ همته من حليلته=محررف مصررف مثل عبدن كار
ورجال راعي هرجتن ينحكى بها=كما رامي يرمي صايب وقرار
ورجال راعي هرجتن ماتولف=كما رامي يرمي بغير عيار
ميرخيار المعاني سترهاعنبرن لها=وتفتيشها يبدي عليك عوار
وأختم كلامي صلاتن على النبي=ماغرد القمري على الأنهار

=============
هذه قصيده للشيخ عايد أبو خرص من أقدم شيوخ قبيلة الحميه وكان يدعى المسوبع لأن لديه سبعة أبناْء وسبعة عبيد وكان شيخ حكيم وشجاع ومن أحفاده الشيخ عبدالله أبن رجاء رحمه الله والد الشيخ مسعد بن رجاء حفظه الله والمعذره أن كان فيه بعض الأخطاء حيث أن اللهجه القديمه تختلف عن هذه الأيام للمعلوميه هذه القصيده لها أكثر من 200عام