يابو زهره

[محمد صالح العطاوي]

مرحبا ياولد زهران في كل حال=عند قومن تعز الضيف وتكرمه
لاح برق الخيال وهل وبل الخيال=وغيب الايام يازهران من يعلمه

[محمد الزهراني]

البقا والتحيه يازحول الرجال = وانحن العرف والمعروف ما نعدمه
دام انا وانت في نعمه وفي سترحال = ما نشب من على العليا يدف اقدمه

[محمد صالح العطاوي]

ماعليكم زياده واليالي طوال=والرجال الشجيعه حقهاماهضمه
اشرب اشرب من العد القراح الزلال= قبل لاتاتي لكم ليلتن مظلمه

[مشاري الشلاحي]

اشرب اشرب من العد القراح الزلال=قبل لاتاتـي لكـم ليلتـن مظلمـه

أكرام الضيف مع التوعد


محمد العطاوي

صح لسانك وبيض الله وجهك يالقرم

وصح لسان الزهراني

واصلو وحنا متابعين

تقبلو تحياتي

مشاري الشلاحي

[محمد الزهراني]

ماوردنا على الجمه بدون الحبال = افهم العلم والا عل ما تفهمه
مقصدك تشتري فله بمية ريال = غير بالله اصح مالحلم الذي تحلمه

[محمد صالح العطاوي]

ليه عصبت توك ياعريب الخوال=دوبنا مابنينا البيت لاتهدمه
انتبه لاتطيح بوسط جرفن هيال=وانت رجلا تعرف العلم وترجمه

[عيد العازمي]

محمد صالح العطاوي ------- محمد الزهراني


انار المنتدى بطاروقكم الجميل دام ابداعكم وتواجدكم

[محمد الزهراني]

كلمتك ردها فالبال يابن الحلال = مير ماعندكم قاضي ولا محكمه
لا يزيد الكلام ولا يطول الجدال = خلها مبهمه دام انها مبهمه

آخر تعديل محمد الزهراني يوم 20-Apr-2008 في 10:05 PM.

[محمد الزهراني]

مشاري الشلاحي / العازمي

صحت ابدانكم

حياكم الله والنور وجودكم معنا

[محمد صالح العطاوي]

الكلام الردى ماله معانا مجال=لاتشك بزميلك لاولاتظلمه
مشينا ياعميل الخير باقي عدال=وصاحبك رجل فاهم مارتخى محزمه