قصيدة عبدالله ابن عبيان في عتيبه الهيلا

[محب الهيلا]

السلام عليكم ورحمة الله وبركاته






قصيدة الشاعر عبدالله عبيان اليامي في الامسية
التي احياها في الملتقى ثقافي للهيلا عتيبه ..

	عسى البارق اللي نوّته تروي العطشان يسوق لمرابع شمّخ النيب مطّاره على ديرة الهيلا يهل المطر هتان وكل(ن) يشوقه بارق الوسم وانواره وانا اسرجت له من دار يام الحلام حصان بطانه وسيع ومنوة عيون مختاره من اشهر مرابط خيلنا نقوة الفرسان عسفته ودرّبته على المجد واسراره دعوه الرجال اللي لهم في المواقف شان ولا حاد عن درب البطولات مضماره سلامي على العتبان من ديرتي نجران سلام (ن) يعطر مربخ الذود بازهاره رجال الشهامه والوفا منبع الشجعان من ايام فرخ الحر يشبع بمنقاره حموا طرشهم بالسيف الابتر وعود الزان ورعوا نجد بين فهود وذياب ونماره رسوا في روابيها مثل نايف الضلعان شهر صيت ( اخو شرعا ) بفعله وباذكاره ومسلط صليب الراس لا ثوّر الدخان يصد العدا (خيّال سبلا ) عن دياره على الترك غاروا والوقايع لها برهان خلد ذكرها وسيوفهم دوم بتاره ويوم اعتزى طير السعد من قصر دسمان دعاهم ولبوا داعي المجد واشواره حكمها وعشنا في ظلال الزعيم اخوان وزمان التناحر والنشب ولّت افكاره وكل القبايل للوطن والمليك اعوان وبرقا وروق عزومهم دوم جبّاره ليا نادوا عيال الموحّد على الظفران وفتيل الحرايب في الشدايد قبس ناره تشكل عتيبه كلها عسكر الميدان رجال (ن) تسوم الروح في مقدم الغاره سلامي عليهم والمراجل لها عنوان ومن يكسب النالات نعطيه مقداره

ملاحظة:
( اخوشرعا ) هو الفارسوالشيخ المعروف تركي بن حميد
(خيّال سبلا) هو الفارسوالشيخ المعروف مسلط بن ربيعان
وذباح الاتراك الضيط

[عبدالله الجـــذع]

عز الله انه ابيض وجهه الغالي..


صح لسانه مليون ..

بيض الله وجهك يامحب يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

صح السان صبي يام ويستاهلوا الهيلا

[محب الهيلا]

المشاركة الأصلية كتبت بواسطة عبدالرحمن الهيلوم

صح السان صبي يام ويستاهلوا الهيلا

مشكور على المرور

[محب الهيلا]

المشاركة الأصلية كتبت بواسطة عبدالله الجـــذع

عز الله انه ابيض وجهه الغالي..


صح لسانه مليون ..

بيض الله وجهك يامحب يالغالي..

مشكور على المرور

[/عبد العزيز الجذع/]

صح لسان ابن عبيان ماقصرت اخوي محب

[محب الهيلا]

مشكور وماقصرت عبد العزيز