قصيدة حبيب العازمي في بدهان الرمالي

[محب الهيلا]

السلام عليكم ورحمة الله وبركاته




هذه قصيدة الشاعر الكبير شاعر المحاوره العلم

حبيب العازمي الاخيرة

يطلب فيها قبلان الشراري بالعفو عن غريمه بدهان الرمالي..








أليـك الملتـجـا ياذالجـلالـي
أليك الملتجـا فـي كـل حالـي
فمنك الامر والـك الامـر كلـه
بتحديـد المصيـر اول وتالـي
بيدك الملك والنـاس اجمعينـا
وتفعل ماتشاء يـاذو الجلالـي
الـهـي ياالـهـي ياالـهـي
عليك انت اعتمـادي واتكالـي
اسالك يامجيـب اللـي يسالـك
تحقق لي مرادي مـن سؤالـي
جوابـه مايكـيـدك ياالـهـي
ولايخفا عليـك اللـي طرالـي
الا يالله يامجـري الــذواري
ومسق الارض من وبل الخيالي
تليـن قلـب قبـلان الشـراي
وتعتق نفس بدهـان الرمالـي
سجينٍ من ورى الابواب ينخـا
رماه ابليس في درب الظلالـي
وندم كل النـدم بعـد اقترافـه
بذنبٍ ترتجـف منـه الجبالـي
ولكن رحمتـك علـى عبـادك
تكف الشمس وتمـد الظلالـي
واملنا فيك ثـم باللـي جعلتـه
يصيـر الحـق الـه ولايبالـي
وباناشـدك بالله يالـشـراري
تسامح والمسامح راس مالـي
ترى الرحمه من الله وانته ارحم
برحمة من جعلك تصير والـي
بجـاه الله ثـم جـاه المـبـدا
على كل العرب عالـي وغالـي
بجاه اللي امر بالصلح واصلـح
وسمح عن من نوى بالاغتيالي
ملكنـا اللـي يشرفنـا مجالـه
الى جا للـدول فخـر ومجالـي
نختك المملكه باسمـه واهلهـا
عبر شتى السبـل والاتصالـي
ونخاك العلم واصحاب الفضيلـه
وجولك من جنوب ومن شمالي
ونخوك الابرياء والشايب اللـي
على المعكاز مافيـه احتمالـي
ولـوان ابنـك المقتـول قاتـل
تخيل حاجتك عنـد الرجالـي ؟
ولاتعلم لـو انـك مـت قبلـه
او تبقى بعد موتـه كـم ليالـي
قبلـك الله ياقـبـلان تقـبـل
ثواب الاخـره يابـن الحلالـي
ترى الدنيـا تـزول وماعليهـا
وكل الخلـق قافيهـا الزوالـي
ولازال الامــل بالله بـاقــي
وبعـده فيـك املنـا لايزالـي
وفي وقفتك ياحسين اللحـاوي
وفي ربعك كريميـن السبالـي
هذي نخوه بعثها الك العتيبـي
وبعث معها العمامـه والعقالـي
وخذ منـي سويّـه يالشـراري
ولو مطلبك واحد مـن عيالـي
لتمم لـك طلبـك اللـي طلبتـه
بعد مااوحيـت مافيهـا جدالـي
وصلى الله على محمد رسولـه
ولله البقـاء والـه الكمـالـي

[عبدالله الجـــذع]

بيض الله وجه ابوفيصل..


مشكور يامحب..

ماقصرت يالقرم..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الديحاني]

بيض الله وجه البناخي ( حبيب العازمي ) ابوفيصل

ورحم الله كل مسلم

محب الهيلا سجل اعجابي يالقرم

تحياتي

[اخو شطنى]

كفو يابو فيصل وبيض الله وجهك ولاهيب غريبتن علاك

مشكور يامحب على النقل الاكثر من رائع
اخوك العطاوي

[محب الهيلا]

المشاركة الأصلية كتبت بواسطة عبدالله الجـــذع

بيض الله وجه ابوفيصل..


مشكور يامحب..

ماقصرت يالقرم..

ماعليك زود

لاهنت على المرور

[محب الهيلا]

المشاركة الأصلية كتبت بواسطة بدر الديحاني

بيض الله وجه البناخي ( حبيب العازمي ) ابوفيصل

ورحم الله كل مسلم

محب الهيلا سجل اعجابي يالقرم

تحياتي

لاهنت على المرور

يعطيك العافية

[محب الهيلا]

المشاركة الأصلية كتبت بواسطة مشعل الفراهدي

كفو يابو فيصل وبيض الله وجهك ولاهيب غريبتن علاك

مشكور يامحب على النقل الاكثر من رائع
اخوك العطاوي

مشكور على المرور

ويعطيك العافية

[فهد الزيادي]

بيض الله وجهك يا محب الهيلا على القصيدة وصح لسان ابو فيصل

[محب الهيلا]

المشاركة الأصلية كتبت بواسطة فهد الزيادي

بيض الله وجهك يا محب الهيلا على القصيدة وصح لسان ابو فيصل

لاهنت على المرور وماقصرت

[ابن البجاديه]

بيض الله وجهك


وما اخفيك سر انت والاعضاء


القصيده هذي نزلت دموعي



ولكن الله يرحم بدهاااان الرمالي


نفذ فيه الحكم



ولكن حسب مارئيت انه تاب قبل القصاص الله يرحمه