اقوى محاوره بين حبيب وفيصل الرياحي

[عبدالرحمن الهيلوم]

فيصل الرياحي




سلام ياهل الديار اللي عليها سـلام حامينها أهل السيوف الحدب حامينها
الليله الملعبـه ماتعتـرف بالنظـام وليا حضرنا تبى ترجح موازينهـا



حبيب العازمي




يامرحبا يارجال(ن) من ديار(ن) كلامي ازينها في ليال الصيـف يازينهـا
الليله الملعبه تحتـاج ربـط الحـزام وليا وقفنا نبـى نخـزي شياطينهـا



فيصل الرياحي




اليا خلطت السوالف من حلال وحرام لكلمـه الثانيـه عنـدي براهينهـا
ياحبيب اليوم خلك شعرة(ن) في سنام والبـدو تلقـاك لاشـدت بعارينهـا



حبيب العازمي




أن جنبت في اللحم وأن وافقت في العضام والكلمه الثانيـه تاصلـك فـي حينهـا
ماني بشعره أناخصمك قطـوع العـرام وان زاد جن البقـوم أحشـر مجانينهـا



فيصل الرياحي




أن وقعت في الصخر وان وقعت في العدام حنا سيـوف المعـارك وأنـت سكينهـا
الله ربـي وربـك يامـطـوع جـهـام تسجد على الأرض لاثـارت براكينهـا



حبيب العازمي




لو مامعي غير سكين ومطرق بشام أخذ سيوف أكثر البقمى من يدينها
الله رب الجميع وصاحبي مايـلام هجت ذلوله تلوى فـي كراعينهـا



فيصل الرياحي




كم عالم(ن) يحلمون ويشمتون الحلام ماردك عن البقـوم ألا سلاطينهـا
ترا هذيك الهنوف أم الذهب والزمام ماعدك ألا قذاة(ن) في طرف عينها



حبيب العازمي




وين السلاطين يوم(ن) الشجاري خيام هي بيض من طبعها ولا مكسينهـا
وأنته بعد في حدا الخدين دقت وشـام لله يعينـك علـى الأيـام ويعينهـا



فيصل الرياحي




شهد لنا بخيت يوم الهوش تحت العسام ماهي بكذبه مـع العبلـه مسوينهـا
عاملتها بالوفا والطيـب والأحتـرام وأنته تجمع على الخبـزه وراعينهـا



حبيب العازمي




شهادة طيبه لاهل الهوا والغـرام قصيدتن كل خلـق الله مغنينهـا
ياصحابنا لايزيد الطق فوق اللحام أنتـم مغدينهـا حنـا معشينهـا



فيصل الرياحي




أنتم كما الزرع ياعتيبه وحنا الصرام لأرض ماعـاد تحماكـم ميادينهـا
ياشاعرن في الملاعب لبسوك الوسام ضيعت في الليل عشرتها وعشرينها



حبيب العازمي




كلمتك هذي ماتنقص للنشاما مقـام ياللي تهدد عتيبه وينـك ووينهـا
يالشاعر اللي نبتلك مثل ريش النعام ماصالحـن للبقـوم ألا دكاكينهـا



فيصل الرياحي




ندخل على الله ترانا مانسـب الكـرام أقوللـي سالفـه مـاهـم بناسينـهـا
من يوم ركبت طوقن مثل طوق الحمام حتى أم ضرفين جادينك على دينهـا



حبيب العازمي




السب ماله مجال ولايفك الزحـام وأن جبتلك سالفه ميعادك دوينها
مايختلف هالرياحي منتفخ كل عام كن أم ضرفين غاذيته بضرفينها



فيصل الرياحي




مزكوم ياصاحبي واعديتني بالزكـام دينت بنت الحلال ولا قضـا دينهـا
سبحان من حط جسمك مثل عود الثمام كنك من أفريقيـا وأحـد مساكينهـا




حبيب العازمي





خلـه لعلـه عساكـم كلكـم للهيــاما لعافيـه صـح منتـم مستحقينـهـا
وزن الخشب طن ولا الماس كيلو جرام حمـر الفلسطيـن نكبتهـا فلسطينهـا



--------------------------------------------------------------------------------

آخر تعديل عبدالرحمن الهيلوم يوم 16-Feb-2008 في 06:47 PM.

[قادح شرار]

الهيلوم : دائما ً مميز بنقلك الجميل والرائع .

ومشكور على هالموضوع بس ياخوك لا تستعجل وأنت تكتب الموضوع .


محاورة بين شاعرين من أعلام شعر المحاورة .




أخوكم /قادح شرار.

[دوسي زهراني]

الله لايهينــك يالهليــوم وبالفعــل توجــد عنــدي صــوتيه ومضحــكه وفكــاهيه في اغلبهــا ..




























تحيـــات عـــاشــق الاهلــي وجمهـــوره

نـــايــف الدوســي الزهــــراني

[عبدالرحمن الهيلوم]

مشكوووووووووورين يالغالين علي المرور

[بدر الديحاني]

اتمنى يردون مع بعض هوالاء الشعار الجزالين

عبدالرحمن بيض الله وجهك يالغلا ويسلم ذوقك

[عبدالرحمن الهيلوم]

مشكووووووووووورين علي المرور يالغالين

[ابو شرف]

بيض الله وجهك على النقل بس لوتقدر تنزلها صوتيه الله لايهينك..

[راعي البلهـا]

الله لايهينك ويعطيك العافيه وبيض الله وجهك.
محاوره قويه ومثيره ولا أعتقد ان
للفكاهه فيها مجال .

مشكور يالذيـب

[عبدالله الجـــذع]

محاروه فريده من نوعها..

مشكور ع النقل..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

مشكوووووووووورين يالغالين علي المرور