هذه القصيدة رد من الشاعر \دخيل الله الجهني على الشاعر\ عواد الحجايا واءهداء الى اللواء \ عمر بن خالد الشيباني
حي الكتاب وحي راع التعابير= امن الكرك ترحيب لعمّان وأبها
فرحت واعلنت الفرح والتباشير= بالي بعثها لي رحبت بها
مثل فرح يعقوب بقبالة العير= شم القميص وشر عينه عقبها
من شاعراً شعره يوازن دنانير= عواد من ناساً رفيعاً نسبها
نطاحة الغارة لفك المعاشير= يروون حد سيوفهم مع علبها
لو كانت الغاره جموع وطوابير= خيالهم للموت غار وصلبها
رجال الحجايا الطيبين المشاهير= اللي بهم من سالم الزير شبها
اشكرك ياعواد شكراً بتقدير = وانته بعد بك زود واجل وابها
المدح ما يرفع ردياً معيثير= اللي مغرز ناقته ما حلبها
والسب لراع الطيب مايجيب تقصير= ما ينقص الطيب مراجل كسبها
مثل عمر خالد وغيره مناعير= دون الرفيق عمر نفسه جلبها
هداج تيماء مايهاب المخاسير= ماهو بخيلاً بالريال يحسبها
ترا الردى والطيب يابن المغاوير= خصايلا بالخلق ربي وهبها
واليوم كلاً شيخ يا صاح وأمير= حثال الرجال اليوم طالت شنبها
حتى الصقاره تركوها الصقاقير= عبد الله سعود ابو تايه شطبها
دنيا تقلب كل ساعه بتغيير = ما ينعرف شدفانها من عضبها
الحصن ما تصهل ويصهل بها العير = عجزت اميز راسها من ذنبها
طيرو الرحيبه ملبداتاً مخامير= وعلى الحباري صار يطلع حقبها
ياعامر اصبر وانت ملزوم يا عمير= تصبر على الدنيا وساعة غضبها
البارحه شفت الظعن والمظاهير= علمي بهم بين العناب وسهبها
علمي بهم يتلون ذود المغاتير= يوماً راع الذود بحسه ندبها
شافوا سحابه هللت تالي عصير= قبل مغيب الشمس لحقو هدبها
وشفت القطين مغيظين على صوير= بأرباعهم ناراً جذبني لهبها
وشفت الرعايا واردات ومصادير= وصادفت بعض الطرش ليلة قربها
وشفت البنات اللي يرون على البير= كلاً من الميه تروي قربها
وسمعت حس اللي يجيب المسايير= نجراً يجيب رجال تعرف بدبها
والصبح ما حصلت غير التحاسير= اثريه حلم ونوم عيني غلبها
الله لا يذكرك يا حلم بالخير= زادن جروح القلب وانته سببها
ذكرتني ياحلم بالبدو تذكير= ذكرتني بسنين ماحسن طربها
يوم الفياض مشابكه بالنواوير = ينبت سهلها والبطين وحجبها
واليوم صارت بس زرع ومواطير= امشبكه بشبوك كثرت رحبها
الله يدبرها بحسن التدابير= ونجني من الدنيا طرايف رطبها
سلامتكم
ولكم اطيب التحايا
« آخـــر الـــمـــشـــاركــــات »
28-Feb-2008, 07:00 PM
حي الكتاب وحي راع التعابير= امن الكرك ترحيب لعمّان وأبها
العرض العادي
