قصيدة للشاعر/ عبدالرحمن بن بديع

[مروع الذياب]

إليكم هذه الرائعه من روائع

الشاعر/عبدالرحمن بن بديع الشهراني

هاتوا المصحف وخلّوني اقرا سورتيـن=وامتنع من ضيقةٍ جاتنـي عقـب العشـا
ذكر ربي والتعوذ مـن ابليـس اللعيـن=اتخذها لي عويـنٍ ليـا ضـاق الحشـا
لان ربي مـدرج الكـون رب العالميـن=بيـده ارزاق الخلايـق ويفعـل مايشـا
هازم الاحزاب مهلك جنـود المشركيـن=وبامره ايسير المطر في السحاب اللي نشا
وفي الصراط يمر ربي بخلقـه اجمعيـن=وكل عبـدٍ مـرّه امـا بـرك والا مشـا
الله اللي خـرّت اجباهنـا لـه ساجديـن=وان غِصبنا نسجد لغيـر ربـي لاحشـا
فيالله إنّـا طالبينـك وباسمـك نستعيـن=ياعوينٍ ترجي النـاس عفـوك واتخشـا
نسالك ياخالق العرش نصـر المسلميـن=وانك تشرح خاطـرٍ زاد همـه واحتشـا
لو تهل العين شـي تكنـه مـن سنيـن=سيّلت وادي حنيفـه معـا وادي الرشـا
ويعذلونه عالـمٍ فـي الزمـان مرفّهيـن=همّهـم بـس الغـدا ياكلونـه والعشـا
فوالله اني مااتطـرق طريـق الجاهليـن=ووالله انـي مااتسمّـع لواشـي لاوشـا
والصلاة اعلى محمـد شفيـع المومنيـن=عـد مانبـت السنـا والخزامـا والنشـا

__________________

[عبدالرحمن الهيلوم]

صح السانك يالغالي اولا وصح السان شاعر شهران المبدع

[محب الهيلا]

مشكور وماقصرت على النقل