خلوووووها

[ابو بندر]

ألي فتره عن العتبان غايب من نشد عني=ونا قلبي علا هم يرتجف ويجيب طاريهم
الا يالله من ربعي ونا عبدك تجملني=هل الهيلا وتاج الراس الا يالله تحييهم

[ماله امان]

ليا منك حضرت وجيت تلقأ كيف مع بنـــي=وقولة يا هلا يا مرحبا تسبق مواطيهــم
لكن أخاف مع كثر المغيبه ضحكت السني=تصير مرافقه في نيتك وانته تخاويهـــــم

[ابو بندر]

نعم ونعم وخابرهم وفيهم ما ختلف ضني=انا منهم وفيهم وعرف اصحابي بساميهم
اذا مالك امان اسمع كلامي لا تجنني=ترى بعض العرب ياساتر استر يوم اخاويهم

[ماله امان]

انا خابرك منهم بس مرواسك على الفــني=تهندم بالسوالف والحجاوي لا تحاجيهــم
لكن احذر وخلك ما تقول الهن يا هـــــــني=انا عارفك تلوي فالمسارح لا تلاويهـــــم

[ابو بندر]

انا با سئلك يا ما لك امان ارجوك جاوبني=علامك تعكس اخطوط العرب والناس تبليهم
انا جيت الدير مشتاق لديره ومتعني = وحصلتك على دربي وحاديني وحاديهم

[ماله امان]

انا ما سك طريق السير لين انك تناظرنــي=وتمشي مع طريق العكس والعكسه تباريهــم
ترا ميزانكم في خفته بالوازنه يزنـــــــــــي=وكثرة في مراحك صيدها ويأ جراويهـــــــــــــــم