][®][^][®][مرثية لشاعر سـعد العتيبي ][®][^][®][

[محب الهيلا]

السلام عليكم ورحمة الله وبركاته



][®][^][®][مرثية لشاعر سـعد العتيبي ][®][^][®][

بولده البكر

اليكم القصيـده



ياقبر انـا لاجيـت يمـك تمنيـت
اني بداله تحت الاحجـار مدفـون
ودي يكون الحي عمري وانا الميـت
لو الثمـن كـل المخاليـق يفنـون
ياقبر فيك اللي على ابـوي سميـت
دايم وانا مع قرة العيـن مشطـون
ياقبرلو تدري بعـد ويـش كنيـت
لتقول ليت الموت ماكان مسنـون
ياقبر والله عنـه مايـوم سجيـت
اسمع صدى صوته وانا منه محـزون
كم مرةٍ باسمه على اخـوه ناديـت
والناس من حولي يقولـون مجنـون
اذكره حتى يوم فالفـرض صليـت
والناس باسمـه لا بغونـي ينـادون
ماتدري انه كان لي شمعـة البيـت
وانه يساوي الكون والكون والكون
واني اشوفه كل ما اصبحت وامسيت
قدام عينـي خطوتـه دوم بالهـون
ماانساه لو اني دلهـت و تناسيـت
ودنياي عقبه يا مـلا مالهـا لـون
وقت العزاء لوي تظاهرت واخفيت
حزني عن اللي في فقيـدي يعـزون
لكن تراني من كثر صبري ازريـت
وعقب العزاء بيحت انا كل مكنون
الله مـن ليـلٍ بتالـيـه ونـيـت
ونة كريمٍ داخل السجـن مديـون
والله مـن ضلـعٍ بعاليـه عديـت
ودموع عيني فوق خـدي يهلـون
انا اشهد اني عقب فرقـاه وليـت
والحال عقبه صار من دون فـي دون
ياقبر انابانشدك بالحـزن حسيـت
في قلب والد صار بالهـم مطعـون
هذا شعوري يـوم يمـك تعنيـت
والله يفرج هم قلبٍ بـه شجـون
مرحوم ياللي طلته كنهـا( الليـت)
اعداد ناسن فالحـرم جوايصلـوون
ومرحوم ياللي فالمرض حيل عانيـت
اعداد مايبغض هل القدس شـارون
وانا اطلب الله يوم للمقبـره جيـت
الصبروالسلـوان والثالـث العـون
ماغيره احدن في حياتـي ترجيـت
ورضيت بامر اللي له الكاف والنون

[عبدالرحمن الهيلوم]

مشكوووووووووووور وصح السان قايلها

[محب الهيلا]

مشكور على المرور وماقصرت

[محمد العتيبي]

صح لسان الشاعر سعد العتيبي
وسلمت يداك يامحب ..
...

التوقيع

للتواصل عبر twitter تويتر al_bargawy@

[محب الهيلا]

المشاركة الأصلية كتبت بواسطة ابومشعاب

صح لسان الشاعر سعد العتيبي
وسلمت يداك يامحب ..
...

يسلم راسك

مشكور على المرور وماقصرت