الاخوة
الاعزاء
إليكم هذه الرائعه للشاعر/عبدالرحمن بن بديع
الليل شكله يجـذب الهـم ويخيـف=وفيـه الثوانـي والدقايـق ثقيـلـه
حل الظلام وقرّبت حـزة الضيـف=ضيفٍ يشارك وحدتـي كـل ليلـه
ياضيف قبل اتزورني قول لي كيف؟=القـى لصدّاتـك وفرقـاك حيـلـه
ياضيف جيّاتك عـذاب وعجاريـف=وابغى اتخلّص منـك بأيّـة وسيلـه
ياضيف منك ادموع عيني ذواريف=وعسفتني عسف المهـار الاصيلـه
وشلّيت قلبي شلّت النـود للريـف=وشبيتنـي شـب الزنـاد الفتيـلـه
لاجيت تفتح لي ملفـات الارشيـف=وتكشف لي اجروح الزمان العليلـه
عذبتني وانا آدمي قلبـي اصخيـف=وشليت حملك والجمـل 0مايشيلـه
ياضيف بشّرني عساهـا تخافيـف=ياخوفتي لو إنْـك راعـي طويلـه
من ميلة الدنيا ومن سطوة الضيـف=انـا جويـر آلله وانــا دخيـلـه
_
وسلامتكم_________________
« آخـــر الـــمـــشـــاركــــات »
24-Feb-2008, 04:20 PM
حزة الضيف للشاعر المعروف / عبدالرحمن بن بديع
العرض الشجري