قصيده قنبله من قنابل سالم بن جخير ؟؟؟؟؟؟

[عبدالرحمن الهيلوم]

يقول من راسه على الشعر يحـداه
شاعـر ومتمكـن وكاتـب وراوي
لاجاب بيـت الشعـر كنـك تنقـاه
من شعر ابو الطيب وشعر الخلاوي
والشعر لـه دعـوا لاجـا دعـواه
مثل الفتـاوي عنـد راع الفتـاوي
لاكن ياصبري على القـاع صبـرا
كني مع الجن المسمـى مخـاوي
من فرحتي في سيـدي لاعدمنـاه
ماباقـي الا اطيـر مثـل النـداوي
سـلام ياسيفـي نهـار الملاقـاه
لاقلـت الحيلـه وجـات العـزاوي
اهل الكرم واجـد وكلـن ويمنـاه
واطيبهم اللـي بالعطايـا رهـاوي
اما ذبـح مفـرود ولا ذبـح شـاه
وانت كرمك يعتق رقبـة الجـلاوي
الذيب مثلك لا سراه بـان مسـراه
على النقا يسري وياتيـك ضـاوي
والطيب اليا طاب من طيب مجنـاه
وانت العريب اللي على الطيب حاوي
انت العزيز اللـي طروقـك مخـلاه
يتيهبـك مـن دل ويـدل غــاوي
مالك طريق الا على العـز والجـاه
بالفعل ماهـو بالحكـي والمنـاوي
جـدك معـزي طيـب الله مثـواه
اللي على الشـداد قـادر وقـاوي
والله يالـولا الله تعالـى ولــولاه
مالتم شمل اهل المدن والشـواوي
وابيـك خيـال المهـار المسـمـا
حلال صعبـات العقـد والدعـاوي
النـادر اللـي لـو تعـدد مزايـاه
تلقا الخصـال النـادره بالتسـاوي
وعمك ملكنا اللي اليا جيت تنخـاه
ياتيـك متحـزم وصامـل ونـاوي
لو ان كل النـاس مثلـه وشـرواه
عاش الفقير امـن وشابـع وراوي
وخالك غرز في صدر عجلان شلفاه
اليـن راح ولا لقـالـه مــداوي
انشهد انـه عـزوة اللـي تعـزواه
لاتطوحن اهل الغطـي بالغطـاوي
ماقلت لك مالك حلايـاه ولا شبـاه
اشبح سما ويحول النجـم هـاوي
انتم هل العوجـاء ولابـا مـراوه
شرب المصايب مثل شرب القهاوي
قد قالها اللي كـل ماحـل طريـاه
هبت هبوب النود عنبـر وجـاوي
اهل القنا واهل السيـوف المحنـاه
اخـوان نـوره مبعديـن الهقـاوي
انتم لنـا مثـل الحصـون المبنـاه
اللي تـرد السيـل لاجـا نحـاوي
وحنا لكم من مبتدا العمـر لاتـلاه
نارد حياض الموت مثـل الـرواوي
كبيرنا لا شاش ياتي مـن اقصـاه
لادقـت طبـول القشـر والبـلاوي
يطرب على صوت الفشق كل موحاه
ماهوب يطـرب للقنـا والقنـاوي
وصغيرنا يمشي ولا يحسب اخطـاه
ولاهوب لايرحـم ولاهـوب يـاوي
واللي يخون الدار يمسـك بعلبـاه
ويكدشـه علبـاه ويطيـح ثـاوي
لن الغـدر ماكـل رجـال يرضـاه
ولا اظن يرضـاه الحيـا للحيـاوي
هذا وطنا ياعسـى الـروح تفـداه
انـا فداويلـه وغيـري فــداوي


__________________



هاكذا فزعاتنا تسبق اخطانا
وكل يامي لازهمته جاك كله

للشاعر : سالم بن جخير