يــــــــــــــــــا ذيــــــــــــــــــــــــــب .. !!

[أبو نجر النفيعي]

..

السلام عليكم ورحمة الله وبركاته ..

قصيده قديمه حبيت اطلعكم عليها ,, وامل ان تنال لو القليل على اعجابكم

.

ياذيب نادوني على اسمك وانا ذيب = واثر التشابه فالاسامي وفالحال
انته تجر اعواك فوق المراقيب = وانا ونيني تسمعه فأشهب اللال
وياذيب لي حقٍ علاك ومطاليب = يومك تجر اعواك في نايفٍ عال
اعواك يفتح لي عروض ومكاتيب = وياخذ على الخاطر ويسري على البال
اعواك يجلب لي همومٍ مناشيب = بين المحاني راكده يا اقشر الفال
خابرك ما تدري!! وانا ألعنك واعيب = وامن الشتايم يا احدب الناب تننال
تكفى نخيتك لاتزيد المحاديب = في جوف صدري جالها اليوم غربال
ماتدري ان اعواك فيه العذاريب = ايعذرب الهاوي ويطويه فالجال
وانت امتصلط دون شكّه ولا ريب = اتفيّق الغافل وتبليه بخبال
وانت السبايب فالعنا وايضاً الشيب = صبرت مير الصبر في ذبحتك طال
ما تدري اني من كبار المناصيب = واعدّ من بين الرياجيل رجّال
صحيح من قال الزمن ذا دواليب = جالت على راس المولّع تجوّال
اليا ذكرت احبيّبي راعي الطيب = اللي يحوف القلب ماضي ولا زال
اذكر قنا فاجر وشلفا تراحيب = واتراود الافكار فكري وتحتال
ولاغاب عنّي قمت اهندب هناديب = اعدّ شعري والحقه جر موّال
وكل السبايب كلّها عوية الذيب = اللي هل الوقفات تضرب به أمثال
وماني وانا فيصل عطيب المضاريب = ان كان مالرمح الحدب فيه ينهال

.

وسلامتكم جميعاً .

التوقيع

.....

[فيصل المسعودي]

انشهد انك ذيب يالذيب

صح لسانك مليووووون

جزله لا غرابه في ذلك

استمتعت بقرائتها كثيراً

تحيات اخوك

فيصل المسعودي

[دريد ابن الصمة]

سااالم وغاانم يابو نجر ..


وصح لسانك ..


قصيدة استمتعت بما فيها من..


معاني.. وصور.. وجزاله لا حد لها ..


تحياتي ..

[فارس 999]

صح لسانك يابونجر الذيب

قصيدة وافية وجزلة

تقبل مروري

[فلاح الهاجري]

ابو نجر ذيب يا ذيب وصح السانك ولا تحرمنا من الدرر الي منك

[محب الهيلا]

مشكور وماقصرت على طرح القصيدة

[نواف العصيمي]

وعليكم السلام ورحمه الله وبركاته


.. بيض الله وجهك قصيدة رائعة يافيصل

وجزله وإبداع ..


ولك التقدير والإحترام

التوقيع

[النخيش35]

صح الساانك يااولد العم وبيض الله وجهك

[نايف بن ملحق الثعلي]

صح لسانك
قصيده جزله

التوقيع

ما هوب لازم توقيع00

[السميــــــري]

اعواك يجلب لـي همـومٍ مناشيـب
بين المحاني راكده يا اقشـر الفـال
خابرك ما تدري!! وانا ألعنك واعيب
وامن الشتايم يا احدب الناب تننـال
تكفـى نخيتـك لاتزيـد المحاديـب
في جوف صدري جالها اليوم غربال


صح لساك يابو نجر ,,
بصراحة رائعة .. وكثر من رائعة ..
جزله ووافيه ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع