الليل ياذيب المساري ؟

[شبل المحاني]

الليل ياذيب المساري مابعد توه سرى=احسب حسابك والذيابه حاسبين احسابها
السوق كلن يعرفه فالباع ولا المشترى= والطيبه اليابغاها الرجل مايشقابها

[علي فلاح العضياني]

صح لسانك ياشبل المحاني



وفي انتظار ذيب المساري

التوقيع

(( رأس الحكمه مخافة الله ))

[عبدالمجيد الثعلي]

الليل يامحمد تقدم قدم لاترجع ورى=وحنا ليا كبرت ولانشبت نفك أنشابها
شبل المحاني معه اذن تسمع وله عين(ن) ترى=لكن مايعرف عن السلعه ولاجلابها

[عبدالمجيد الثعلي]

علي العضياني صح بدنك

شرفتنا وأسعدتنا بمرورك

[شبل المحاني]

قلبك جريح من الليالي وشب جرحه مابرى=لاكن فيه العله اللي مانعرف اسبابها
بعض العرب فوق الثريا وبعضهم فوق الثرى=الخيل من خيالها والنار من شبابها

[عبدالمجيد الثعلي]

اللي تقوله ياطويل العمر ماهو منكرى=وإن كان مالمت العذارى لاتلوم أحبابها
ماكل ناس(ن) تلبس المشلح مشايخ واومرا=والحجه اللي مالها برهان قفّل بابها

[بندر الهيلا]

شبـــــل المحــــــاني --- ذيب المســــــــــــاري

ابداعــــــ...... جزالهـــــ.... صحتــ...... السنتــــــكمــ.....

واصلوا

[شبل المحاني]

العلم ياذيب المساري منكشف كل (ن)درى=واللوم للي يمشط اللحيه ورؤس أشنابها
انا رفيع المستوى وانته رفيع المستوى=والوقت هذا جامع (ن)روس العرب واذنابها

[عبدالمجيد الثعلي]

بندر الهيلا

صح بدنك

ومنور الصفحه يالغآآآآآآآآلىىىىى


شرفتنا وأسعدتنا بمرورك

[عبدالمجيد الثعلي]

لاعاد تنشد ياوسيع المعرفه عن ماجرى=واللي يعكس الكهربه وأسلاكها أنت أدرابها
لامن بغيت الطيبه حنا على الطيب خشرا=وأن مأعجبك جر المشاكل كلها بأرقابها