على العضياني ..شقر شقر

[سلطان الجـذع]

انا ياابن ثعلي في خفوقي ..هوى هوى =لبدع الشقر وان كان نجمك ..هوى هوى
ماتمشي البواخر لانطحها ..هوى هوى =على الهون لاتمشين ياعقرب الساعه

ياعلي وش قال الك سلطان الجذع هاك الزمان =يهود خيبر لاتقربها ولاتاصلها
تريح معزز مكرم مع طويلين اليمان =تحت الغصون اللي على راسك طويل ظلها

[علي فلاح العضياني]

انا أشقر ولي فالشعر وزن و قدر قدر=وسلطان هذا الليل اشوفه قدر قدر
على الشقر ولاّ جت قضاء وقدر قدر=على الهون لا تمشين يا عقرب الساعه

قد قلت لي لكنّ انا ما ارتاح والله يا فلان=لين اليهود آصلّها واهينها واذلّها
حنّا نهيمن فالمواقف بالسنان وبالعنان=يا زينها يوم السيوف المرهفات نسلّها

التوقيع

(( رأس الحكمه مخافة الله ))

[عبدالمجيد الثعلي]

سلطان الجذع + علي العضياني

الله الله

صحت ألسنتكم

واصلوا وعلىىىى القوووووه

[سلطان الجـذع]

ترى اللي يسو العبد قدر.. وقضا قضا =وانا معك صبري ياعلي قد ..قضا قضا
وقاض القضيه مبتلش.. ماقضا قضا =على الهون لا تمشين يا عقرب الساعه

انا ادري انك ساعه الوقفات تضمنها ضمان =لكن مابه فخر لو ديارهم تحتلها
مانت بخصيم الهينين اللي ربو مربا الهوان =خلك مع اللي قد ميقافك ودلك دلها

[مرزوق حمدان العتيبي]

..
.
ثنين وافين ومبدعين ... ولافيكم حيله ..
... واصلوا واصلوا ... والمتابعه وجبت
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[علي فلاح العضياني]

كلامٍ تقوله ما جهلته وصل وصل=و قاض القضيه زبن ولاّ وصل وصل
والف باء ما فيها حرف همزة وصل وصل=على الهون لا تمشين يا عقرب الساعه

الله ومرنا بالجهاد إلزام في نصّ القران=وانته ليا فاتتك ركعه من فريضه صلّها
انا مكاني يالعتيبي مع رفيعين المكان=وعندي دوى غلّ القلوب اللي تزايد غلّها

[علي فلاح العضياني]

ذيب المساري



مرزوق العتيبي


شرفتونا يالغالين الله يسلمكم

[سلطان الجـذع]

مدام بن ثعلي للتقاضي ..عزم عزم =ويم القضاه ارسل كروت ..وعزم عزم
انا للمواجه معي قوه ..عزم عزم =على الهون لا تمشين يا عقرب الساعه

الله واكبر يالعلوم اللي على راس اللسان = لو علي يدري عن سنعها قال تكفى خلها
خلك مكانك فالطويله لاتحول للطمان =والحله اللي ماتعز الضيف لاتقبل لها

[علي فلاح العضياني]

يبا يفصل الشيخ القضيّه فصل فصل=نعرف السنه بشهورها كم فصل فصل
وتاخذ قرارك في يمينك فصل فصل=على الهون لا تمشين يا عقرب الساعه

اكيد ما هي طيّبه لو طيّبه يا اخوي كان =ما اقول تكفى خلّها يا صاحبي في حلّها
اثر الشجاعه يوم ما تطري على قلب الجبان=الله مقسمها على روس النشاما كلّها

[سلطان الجـذع]

على الطيب والطاله بنانا ..قصر قصر =وعلى العضياني ذراعه.. قصر قصر
يصلي صلاته جمع مدري ..قصر قصر =على الهون لا تمشين يا عقرب الساعه

لاوالله الا ماتحمل ياعلي مس البطان =وانا علومي تدري انك ماانته بكفوٍ لها
الجاهل اللي يوم جاته عشر رجعها ثمان =لاعاد يستقبل من اصحابه ولايرسل لها