قبيلة غامد ولقب الهيلا

[عبدالعزيز البرقاوي]

بسم الله الرحمن الرحيم
اخواني وعزوتي ياعضاء منتدى الهيلا ماصحيحة قول لقب الهيلا اطلق على غامد قبل عتيبة وهل هذا صحيح ارجو الافادة علشان نصكر افواه الحاقدين على قبيلتنا العزيزة

[نواف العصيمي]

أنا ماسمعت عتيبي يقول غامد الهيلا فلا عاد تعودها
والعكس صحيح مفرد غامدي وجمعهم الغمد جميعها و كذلك شعرائهم هم الذين قالوا أن عتيبه الهيلا ويقيناً لا جدال عليه .. فلله درهم كم قالوها في قصائدهم .. وهم يمدحون ويثنون على عتيبه الهيلا

الرابط ..



http://www.otaibah.net/m/showthread.php?t=56881

المشاركة الأصلية كتبت بواسطة بعيد المرامع

قبــــيلة عـــتيبه..

الهــــــيــلا..

ذباحة الحايل..لطامة لعايل

مربية العسيف .. آخاذت الحفيف

ومخلفت الهقاوي..وملحقين المخلين

واهل المركي..ومرجحت الموازين

وغيرها الكثير من الالقاب..للي تتميز..عتيبه..وتوصف بها ..


فلقب...الهيـــــــــــــــــــــلا..


احد اقدم الالقاب للي اطلقت على قبيلة عتيبه....


ويورد مختار الصحاح تعريف.... هاله وانهال..اي جرى وانصب..

وهي كنايه ..عن انصباب..ونزول ...وانحدار..

وفي ذلك ...

يقول الشيخ تركي بن حميد ..متهدد ..ومتوعداً..وواصفا خيل عتيبه بالانهيال ..


جزاك من عندي من الخيل حثلوم
^^^^^^^^^^^مثل البرد من مزنة مستهله

ويورد بن بليهد واصفاً نزول عتيبه لنجد...في كتاب صحيح الاخبار ص 131 الجزء الثاني..

(فاختلف مع قبيلة عتيبه, وكانوا اذا ذاك يخرجون من تهامه والحجاز كأرجال الجراد ومن استوطن نجد لم يرجع. )

وهذه صفه لقوة ..النزول ...وهول الانهيال ..

فكلمة الهيلا: مشتقة من الانهيال , ومعنى الانهيال هو النزول بقوة وبكمية كبيرة من المكان المرتفع للمكان المنخفض ..

لذا سمية عتيبه بالهيلا..عندما انهالت من مرتفعات الحجاز انحدار على سهول نجد واستقرارها فيها..


وفي هذا السياق...يقول الشاعر الكبير بن زويبن الحربي..


تعيش السباع الشهب والطير أبو جنحان
^^^^^^^^^^^على جرة الهيـــــلا الياجات منــهاله


ونورد بعض الشواهد الشعريه ..لشعراء من خارج القبيله اوردوها

في حقب زمنيه مختلفه


يذكر محمد بن سالم بن جروان العلياني القحطاني في منتصف القرن الثاني عشر هجري....

ولا هم الهيلا مدابيس الوغى = وافعالهم غنت بها الاطيار

يقول فهيد بن عبد الله الخرينق الرشيدي
في حدود عام 1280

لابد من يوم ٍ يدرجك النصيب = راسي خطير ٍ بالوجع وانته بلاه
وانا مع الهيلا مدلهت الغريب = اللي تحط اله الرويكب في عصاه

ويقول :
حسن العماري الدوسري من عرض قصيده في منتصف القرن الثاني عشر الهجري..

عتيبه الهيلا بعد ينحونه =ليامن تعشووه تغداناه
عاره من العتبان يلطم وجهه = عساه يفنى ماخذا قضاه

ويقول الشاعر مشخص دحيم الهذيلي البقمي في قصيده له عام 1386 ه

عتيبه الهيلا هل الذكر والمجــــــــــــــد= لطامة العائل كبار المهـــــــــــــــابه

كما اوردت مجلة العرب ..الهيلا لقب لقبيلة عتيبه في عدد رجب 1413هجري الصفحه رقم 38..


وايضاً اورد الخالدي في كتابه ..الجامع المختصر للالقاب والعزاوي عند البدو والحضر .. صفحه 277..

الهيلا: لقب لقبيلة عتيبه وذلك لكثرة عشائرها ونفوسها ..



يقول شاعر المحاوره..
عبد الله سالم الرفاعي الغامدي

سلام الله على الهيلا عتيبة نقوة الفرسان =رجالٍ يشهـد التاريـخ لاولهـا وتاليهـا
يامستور العصيمي لاتزعل صاحبي سلطان = تراها واضحه ولا انت بسلوبـك تخفيهـا

الشاعر عبد الله بن زويبن الحربي

هذي عادة العتبان ياجاهل العتبان = تكلل جهود اللي بنفسه يوراله
أهل لطمة العايل وذبحة سمان الضآن =تضد الخصيم وضيفها تكرم اسباله
زمان ٍ مضى يوم القبايل ماهم بخوان = يرد البرا حتى البناخي على خاله
تعيش السباع الشهب والطير أبو جنحان =على جرة الهيلا الياجات منهاله

مصلح بن عياد الحارثي

توكلنا على الله لين جينا فا لمحل العام =محل عتيبة الهيلا محلٍّ ما يحلاّ به
سلام الله عليكم يا عتيبة والسلام اسلام = سلام اسلام نعلن به ونختم به ونبدابه

قصيدة للشاعر/ مناور بن دغيم بن مشوح الرمالي الشمري

نعم اليا قالواهل المجد عتبان=ذباحة الحايل سطام لعايل
عتيبه الهيلا قبايل وعربان=فكاكة المضعون ستر الحلايل
ياقاطبة سرد السبيا بالاكوان=اهل الفعايل يوم صايل وجايل

يقول الشاعر الكبير لافي الغيداني الحربي

ســلام يالهـيـلا قبيـلـة عتـابـة =سلام(ن) اسوقه من الـروح لـروح
نفحة شذى ريضـان نبـت السحابـه=معه وعليكـم تنبعـث منـه وتفـوح
مـن بيننـا مابـا المعـزه غـرابـه= لها بوسط قلوبنـا ابـراج وصـروح

ويقول مضواح بن شتوي الحبابي القحطاني

وياعتيبه الهيلا هل الملتقى الرنان = مواقيفكم يشهد لها البر وبحوره
سعيتوا على العليا مشايخ مع الاعيان = على الطيب والاعلام خضرا ومنشوره

ويقول محمد المجول العجمي

خال.. مال العيال إلا الخوالي لاإستشك الصبي بأصله يجيله=مايتوّه تراه أصلي وفصلي من نسل يـام مايحتـاج دلـه.
مفلحي مذكري والراس عالي منبعي يام إبن يصبا الأصيله = فدعجان العريبه زود أصلي من عتيبـه وفالهيـلا محلـه.

الشاعر / محمد بن فراج الدوسري

هلاهيل يا الهيـلا عتيبـه هلاهيـل=هلاهيل من وادي الدواسر كما السيل
مشاعري ماهـي مجـرد مشاعـر=تدفقـت ترجمتـهـا بالهلاهـيـل
متفاخـرٍ لونـي مـن ألآد زايــد=لطامة العايـل وملفـى المداخيـل

الشاعر/ ابن عريفج التميمي

سلام الله سلام الله سلام الله يالعتبان=عليكم عد مامجواخ خيبتوا هقاويه
خذيتوا الطيب ياذباحة الحايل بلا نقصان=الا لا ياقليلين العذارب وش لنا فيه
بها اصدح صدح يالهيلا واقوله بالفم المليان=وانا من لابة من عهد عيسى نارهم حيه

الشاعر/ الحميدي الشمري

ويعرفون النخاوي والعزاوي =ليامن صاحو الهيلا عتيبة
يجونك من على ظهور الاصايل=كتيبة مير عن مية كتيبة
يدوسون الصلابيخ برضمها=ويرقون المشاريف الرقيبة

نكتفى بهذا القدر...ونستميحكم العذر..


ونختم بهذه العباره...

يقال ان للاسماء...نصيب من اصحابها....

فمن باب اولى... ان تكون الالقاب...تنطبق على اصحابها ...

بعيد المرامع ..منتدى عتيبه الهيلا...

وحقوق الطبع ...هيلاويه ..


[/align]

التوقيع

[محب الهيلا]

اعتقد ان الأخ نواف وفى وكفى

وماقصر في الشرح

[عمر المغيري]

لاضير ان يطلق على قبيلة عزيزة مثل قبيلة غامد اسم الهيلا قبل ان يطلق على قبيلتنا
ولكن فيه مثل يقول جاء عقبه وعقبه
مع احترامي وحبي لقبيلة غامد العزيزة
وانصحك عن البحث في امور ليس من وراها فائدة
فالاسماء ليس حكرا على احد لكي ينتزعها منك او يسبقك عليها
فالقبائل ليست شركات او محلات تا بعة لوزارة التجارة لكي تقول
سبقت عتيبة على هالاسم غامد
تقبل مروري وشكرا

آخر تعديل عمر المغيري يوم 18-Jan-2008 في 01:11 AM.

[محمد فيحان العصيمي]

أخوي عبدالعزيز ما ادري وش اقول لك لان نواف ما قصر ووضح كل شي ((يعطيك العافية يا نواف))

[عبدالعزيز البرقاوي]

مشكور نواف ماقصرت بس حبيت اصكت الحاقدين على القبيلة ومشكورين على مروركم

[القادم بقوة]

عتيبة ولا منازع
هيلا على ما قال الأول مهيلة ## تطول رغبتها ولا أحد يطولها

وليخسأ الخاسئون

[عبدالرحمن الهيلوم]

اليهود والنصاري تذبح المسلمين وحنا نفرط السبحه ونعيدها



هيلا 0حمران العيون 0عوال الشايب 0 طنايا 0جمرة العرب 0 الغالبا 0 خطلان اليدين 0عسير الهول 00 اسماء ومسميات مانزل بها الله من سلطان 0000 كبرووووووووا اعقولكم حنا في منتدي الهيلا 00ماهوب منتدي سبيس تون

(( الهيلا اسم يدل علي الشجاعه والكثره والكرم )) وليس حصرا لاحد

كلنا قبايل ومطيتنا واحده 0000

انتهي 0سكروا الموضوع

[فهد النفيعي]

لا تعليق000000000