قصيدة لطيران حوران الملك /فيصل بن عبدالعزيز - الهيـــــــــــــلا *** منتدى قبيلة عتيبة

عبدالرحمن الهيلوم · 11-Jan-2008, 07:21 AM

ألا يا من لقلبٍ كل ما جا الليـل جـاه خـلاج يلـوج ويجتلـد بالصـدر والعرب نايميني

انا متحيرٍ ما ادري عـن المدخـال والمخـراج الا واعمس رايـي مـا لقيـت اللـي يقدينـي

الا يا مجيب دعوة من تصافق قوقـه الامـواج أنـا بحمـاك يـا وال الخلايـق لا تخليـنـي

ألا يا وجْد روحي وجد مـن خلّـوه بالمسهـاج. كسير السـاق بنحـور المعاديـن المغلّينـي

الى من دك هاجوسي ولو نومي على ديباج ولو جَنّي جميـع البيـض غيـره مـا تسلينـي

الا واهَنـي مخلـوقٍ يفـرّج ضيـقـة لا داج الى منـه دخـل بالسـوق غـادٍ لـه ميادينـي

ترى بعض العرب عمْلَه بروحه مثل عمل سراج يضوي للعرب والنـار فـي قلـب المسيكينـي

فرد عليه الشاعر عبد الله بن لويحان فقال

الا يا معزبي دنياك مـا تحتـاج مـا تحتـاج ترى اللي سالمٍ منها تعـادل فيـه رمحينـي

تصبّر والفرج يا مسندي من والـي الافـراج أكودك عقب صبرٍ تستعيد العشـر عشرينـي

ورا ما تعتبر باللي يضدنّـه ضـلاف العـاج يورّد حمله الجاير ويصبـح خاطـره زينـي

مانيب الصاحب اللي يوم يبدي له لزومك ماج حاشا لله ماجدع عن لزومـك يابعـد عينـي