قبل ما نطالب الشاعر خالد العتيبي بالأنسحاب

[الحضيري]

السلام عليكم ورحمة الله وبركاته
هذا أول موضوع لي في المنتدى والي جعلني أكتب الموضوع الظلم الواضح الي واجهه شعراء عتيبة في برنامج شاعر المليون والدليل الشاعر خالد العتيبي البارح

ولكن أتمنى من الي يطالب بإنسحاب الشاعر من البرنامج أنه يصوت له
قد ما يقدر والسبب واضح لأنه ما يقدر ينسحب وهو ما بعد يوصل المرحلة
الثانية .
وأتمنى من الشاعر أنه ينسحب بمجرد ما ينتقل إلى المرحله المقبله
فهذا إحراج للجنه أيما إحراج ... والراي ما هو في يدي وهذا اقتراح

والشكر للجميع

[راعي النيسان]

اقتراحك تمام وفيه رد للثأر


الله يعطيك العافيه

[ولد حبرود(( القصيم))]

اصلا المفرووووووض انه ما يشارك ولا عتيبي في هذا البرنامج العنصري واللي ما يقدر الشعر عن حق وحقيق وخير دليل على كلامي يوسف العصيمي في النسخه الاوله من البرنامج وما تعرض له من ظلم والان يتكرر الظلم في حق شاعر الرسول ......


قاطعوهم ياعتابه لجنه فاشله خلوه وصلب وناس حاقدين على عتابه

[الحضيري]

راعي النيسان مشكور على ردك


ولد حبرود(( القصيم))
أنت تقول كلام كلنا متفقين عليه ونبصم لك عليه بالعشر
لكن إذا انسحب قبل ما يوصل المرحله الجاية بتصير في حقه
الناس بيقولون (( إيه هذا منسحب خايف من مداحم الشعار ))
لكن إذا وصل المرحلة الجاية وعطاهم قصيده مبطنه يفهمها الفهيم
ثم يسفط فيهم ويقول أنا منسحب لأسباب معروفه مثلاً

هذي ضربت معلم
ومشكور على ردك

[محمد العتيبي]

مشكووووور يالغالي..

التوقيع

للتواصل عبر twitter تويتر al_bargawy@

[عبدالعزيز الدعجاني]

ايه نعم كلامك في محله صوتوا وذلوهم معليكم منهم انشاء الله بيدخل

الرجال ما يقدر ينسحب بعد التعب كله ينسحب



البركه فيكم يا عتيبه


يعطيك العافيه اخوووي

[الحضيري]

مشكور أبومشعاب
ومشكور يا أبو بدر
على الردود الطيبة

[ياسر الذيابي]

المفروض ان خالد ماشارك من الاساس
وش اللي يخليه يشارك
يارجال اكثرهم هرج على الفاضي
ولا السنه اللي راحت كلن يسب البرنامج وعلى بالنا نبي نقاطعهم ومسوين حميا
واول مابدا التسجيل ستين الف عتيبي جاك يعدي
والحين كلن يبينا نصوت
وين مهايطنا السنه اللي راحت وقالو العتبان مافيهم ولا شاعر بيشارك مره ثانيه
اقول عساكم سالمين
هذا وجهي اذا ماسوت لجنة السلاتيح نفس السنه الماضيه مع العتبان
لا والسنه الجايه الضاهر انا نبي نشوف شعار اكثر شهره من خالد عندهم

[علي المقاطي]

الانسحااااااب جماعي لشعراء عتيبة....مطلب ضروررري الان

[محمد العتيبي]

ياسر الذيابي
كلامك صحيح ميه على ميه ..

بعدين يا اخ الحضيري انت تقول راح يسبب احراج للجنه هذا
هو المطلوووب ياعزيزي..
حنا نبي نخلي اللجنه تعرف مدى اهمية شعراء عتيبه
مع العلم انهم يعرفونهم زين ويدرون ان البرنامج بدون عتيبه
ماله اي صدى ابدا .. هذا من ناحيه ..

اما من ناحيه اخرى الاستاذ والعلم خالد محمد الدعجاني
معرووف بالقوة ومعروف بالشهامه والرجوله في قصائده وفي
فعله ..
ويجب علينا ان نجعله عبره لن لا يعتبر ..

والمبالغ التي سيتم صرفها من اجل التصويت يوجد ناس احق بها
لاعتاق ارقابهم وخير دليل ابن عمنا عجب بن مترك العتيبي
يطلب فزعتنا التي هو احق بها من برنامج المليون من اجل اعتاق
رقبته...

نتمنى ان تفيقوا من الغيبوبه التي غرقتوا بها وتوجيه تعاطفكم
ومشاعركم نحو ابن عمكم الذي يريد اعتاق رقبته
من اجل ان يعيش مع اسرته والرجوع لهم ..