البواردي ..وش قيمه العود لو بالنار مانحرقه ؟؟؟

[سلطان الجـذع]

من العايدين بعد الزحمه ياابو سلطان

الليله الصيرفي يصرف سبايك ذهب =واغلى السلع فالمزاود سومها يفرقه
اطرب على خوة محمد صحيبي طرب =وش قيمه العود لو بالنار مانحرقه

[محمد العضياني]

من الفايزين يابو عبدالله

الليلـة الصيرفي لا طب سوق العرب= اخـاف بعض البضايع بالغلا ترهقه
وانا اتشــرف بمثلك لكــن ام الهدب=من دونها غبــةً يا صاحبي مغرقه

[عيد العازمي]

من العايدين يالجذع ويالبواردي


وعودة بابداع جديد غير مستغرب منكم



متااااااااااااابع

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سلطان الجـذع]

العام حالم بحلم مالقي له سبب =تبي تشدد قبر تركي جنوب ابرقه
انا ادري انك مع الشعار عز الطلب =لوكان تعدي مع الخيال ماتسبقه

[سلطان الجـذع]

من الفايزين يالعازمي

ومتابعتك شرف لايضاها

[زيزوم مدركه]

الله على الابداع


قطبي المحاورة سلطان الجذع والبواردي

[معجب العتيبي]

كل عام وانتم بخير

بدايه مكتوبه بسبائك الذهب تليق بمن كتبها وبمن يرد عليها

عاد شباب الهيلا وعاد الابداع مجددا

لا يسعني الا المتابعه والتأمل والاستفاده والحفظ ان لزم الامر

لله دركما فقد اعدتم للمنتدى بريقه من غير قصور بمن كان متواجد


الليل الليل يامبدعين

[سلطان الجـذع]

زيزوم مدركه ... لاهنت على تواجدك

[سلطان الجـذع]

سارح البال يقال (السوالف ماركه راعيها )

يكفينا فخر متابعتك وتواجدك الجميل ويكفينا شرف اطراءك الاجمل

ايها القامه الاخلاقيه ..الشامخه

[محمد العضياني]

حلمي بنجم الجدي وسهيل يابو شنب=والحمــــد لله تيسر والولي حققه
مانيب سابقك لامنـــك نويت الهرب=لكن توقـّع يصيبـــك يالحبيب فشقه