وقفة الطيب

[سعيد الغامدي]

بسم الله الرحمن الرحيم
السلام عليكم ورحمة الله وبركاته
يسعدني مصافحة قلوبكم بهذ القصيدة الخاصة
التي نظمتها في رجل يعجز الشعر عن وصفه
ويعجز البيان أن يشمل كل خصاله الطيبة ومزاياة الجزلة
ومن خلال نخبة منتديات عتيبه أقدمها كأهداء
للشيخ
سعود بن برجس المريبض العتيبي
راجياً أن تنال إعجابكم

يا من إذا منِّه دعا العبد موجود= وما ضاع من يدعيك يا رب وقته
أنت الولي وأنته لنا خير معبود = ومن يوصلك يا رب خلقك وصلته
جانا الخبر عن وقفة الطيب يا سعود = والطيب فيكم يا المريبض خبرته
شيخٍ مع الشيخان له عد مورود = بيده زلال الطيب ياما شربته
سعود بالجودات والمد موعود = ما يذخر المطلوب لامن طلبته
يلقى الضيوف بصافي الهيل والعود = والبشر في طلة محياه شفته
تسري بطيبه والوفاء هبة النود = واسمه يشرف هرجتي لا نطقته
من عهد بوه وجده العز معدود = زيد البليهد قالها ما عرفته
(عند المريبض صكة الباب منقود= أدري بمقصوده وانا ما نشدته)
(والباب ما صكوا مجاريه بالعود = ولا حط له راع المسامير بته)
وأنا على ممضى البليهد لي عدود= أعدها مثل الذهب لا سبكته
ثنتين منها منزل الجود محسود = العرف والطيبه وأنا ما حسدته
باب الحسد عن راعي العرف موصود = وأنا الذي مما عرفته غبطته
عرفت عنه البذل والطيب والجود = ولو بوصفه ما أوفيه مهما وصفته
دايم على داره مزارات ووفود = وفي ندوته طيب التعامل وجدته
يبذل ولا له في مدى بذله حدود = مثل البحر ما تنقصه لا غرفته
حبل التواصل بيننا دوم مشدود = وأنا على مبدأ التواصل وعدته
سيفٍ إذا منك شحذته له حدود = وتعجب يمينك ذروته لا نقلته
بابه عن الضيفان ما هو بمردود = وأفخر بشعري فيه لا من مدحته
أبمدحه وكل ملحوق مطرود = ويبقى الكثير بسيرته ما شرحته

أخوكم

سعيد بن عبد الله الغامدي

[الذيب العصيمي]

صح السانك

اخووي

ومنتدى الهيلا يرحب بك ياغاالي


مقدمه جميله


قصيده ارووع

مشكوور اخووي

[مرزوق حمدان العتيبي]

...
.
صح لسانك يابو عبد الله
والله يحييك في بيتك الثاني ...
...
وعز الله انك مدحت لك رجل ٍ كفو ويستاهل ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محب الهيلا]

مشكور وماقصرت

[السميــــــري]

صح لساانك ايها المبدع ..

قصيدة راائعة ..
من شاعر أجاد في المدح ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[صقر الغامدي]

صح لسانك ونعم فيك وفي سعود بن برجس العتيبي

[أبو نجر النفيعي]

..
صح لسانك يالغامدي ..
وحياك الله في منتداك الثاني ..
.
و فعلا قصيدة جزله .. ويستاهل الممدوح ..

.

أخوك.

التوقيع

.....

[سعيد الغامدي]

المشاركة الأصلية كتبت بواسطة الجد محصان

صح السانك

اخووي

ومنتدى الهيلا يرحب بك ياغاالي


مقدمه جميله


قصيده ارووع

مشكوور اخووي

أخي
الجد حصان
الله يسلمك ويديمك
وأنتم هل الواجب
تواجدي بينكم شرف لي
أقدر لك مشاعرك
تقبل تحياتي

[مسدح الشعار]

حياك الله في منتدى الطيب وصح لسانك ملايين


قصيدة جزلة وما فيك حيلة

[سعيد الغامدي]

المشاركة الأصلية كتبت بواسطة مرزوق العتيبي

...
.
صح لسانك يابو عبد الله
والله يحييك في بيتك الثاني ...
...
وعز الله انك مدحت لك رجل ٍ كفو ويستاهل ...

أخي

مرزوق العتيبي

الله يبقيك ويسلمك

فيك الخير يا الغالي

وابو سلطان يستاهل أكثر

تقبل تحياتي