لـو يـرحـل المـريـخ للفرقدينا.لمحمد الاحمد السديري

[ابن جدعــان]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
إن صـار زود المال بيدين الانـذال =حنـّا مـن المعـروف تندا يدينا

وان كانهم شرهوا على طيب الافعال =حنـّا وردنـا جـمامها وارتوينا

وان فكـّروا للجـود يمشون رحّال = حنـّا قبـل يمشون يـّمه خطينا

يـا مـا لبسنا للشرف كـل سربال =وعلـى البسيطة للفضيلـة مشينا

فـي دوحـة العربـا لنا مجد وظلال = وحنـّا علـى در المكـارم غـذينا

لـو نـجمع اللي فات منا مـن المال = إن كـان شيدنـا القصور وبنينا

نـعطي ولا نـتبع عطانـا بالاقـوال =ونبـذل ونسكت كنـنا ما عطينا

وان باعـوا الشيمـة بديـنار وريال = حنـا دخلنـا سوقهـا واشتـرينا

نطلـع لها لـو هي على روس الاقذال =لـو هـو عسيـر ٍ دربها ما انثنينا

بـافعالنـا نرسم دروب ٍ للاجيـال =إلـي نساهـا غيـرنا مـا نسينا

أسـود سـادات ٍ تسجل للاشبـال = فضايـل ٍ شـمنا لهـا واهتديـنا

بـيض ٍ نسجلهن جديدات وسـمال =حـفايـظ ٍ لاحفادنـا اللاحقيـنا

نصبـر على الشـّدات لـو شيلنا مال = لـو سـال دم دفوفـنا ما شكينا

نـخاف يلقـى سـدنا كـل ختـّال = ويـبني هـزيلات المعانـي عليـنا

الليـل يـا خالـد علـى والدك طال = وهنـّيـت ناس ٍ بالكـرا نـايمينا

يا عـز راسـي شفت مـا خبث البال =شـي ٍ يهـوّل شيـّب الـجاهلينا

شـي ٍ مـن اسبابـه يشيب بالاطفال = فطّـر خـشوم مهجـرعات الحنينا

أديـر قـالات ٍ عريضـات وطوال = قـالات خـلنّ المخفـىّ يـبـينا

منهـن رزيـن العقـل بالوقت يهتال = بـوقت ٍ عبـوس ٍ فطّـن الغافلينا

وقـت ٍ من اسبابـه شكى كل ريبال = نصبـر ونسكـت كنـنا غايـبينا

النـاس بـالأيـام راحـل ونـّزال = وتفجعهم الدنـيا وهـم دالـهيـنا

وحـيـات رب ٍ نزل آيات الانفال = عـالـم خفايـا نـية الحاقـدينا

ما اترك طريق العدل في كـل الاحوال=لـو يـرحـل المـريـخ للفرقدينا
[/poet]

[ابو وعيل]

صح لسانك ولسان قايلها


يعطيك الف عااااافيه ياابن جدعان على الاختيار الرائع ...


تحياتي
ابو وعيل

[ابن جدعــان]

اخوي ابو وعيل.

صح بدنك طال عمرك.

ولا شكر على واجب.

[نهيان الحمادي]

لاهنت على هذا الاختيار
صدر البيت الاخير ناقص كلمة ربما تكون سقطت سهوا
بيض الله و جهك على ها الاختيار

[ابن جدعــان]

سحاب نجد.

وجهك ابيض يا ابن العم .

وبالنسبه للبيت الأخير تم تعديله.

[ابن فرحان]

يا ابن جدعان ..

بارك الله فيك على ها الاختيار الطيب ..


ورحم الله السديري .. واموات المسلمين

[ابن جدعــان]

امين امين.

ولا شكر على واجب