رائعة لمشعـان البراق (سنين مرت)

[رمزي المقاطي]

سنـيـن مــرت .. كـنـهـا قـطـعـة ايـــام
راحـــت مـــن سنـيـنـي ولا ودّعـتـنـي
الـلـي بقـالـي منّـهـا .. روس الاقـــلام
ذكـــرىً تـذكـرنـي ب مـــن خالـفـتـنـي
جيـت الـديـار الـلـي مــن الـعـام للـعـام
ازورهــــا .. وأطـلالـهــا موحـشـتـنـي
صدفـه .. وكـم جـرحٍ بعـد غفوتـه قـام
عـرفـتـهـا يــــوم انــهــا عـارضـتـنـي
وقـفــت مـابـيـن الحـقـايـق والاوهــــام
مــرت عـلــي الـذكـريـات .. وخـذتـنـي
لحظات فـي عينـي مثـل طيـف الاحـلام
الـلـي ل ( هــذاك ) الـزمـن رجعتـنـي
ل ( ايــام ) .. ماكـنّـا نـفـكـر ل قـــدّام
يـوم انـي ارجيهـا .. وهـي راجيتـنـي
راحـت بحفـظ اللـي كفـل رزق الايـتـام
الله يسامـحـهـا .. وراء ماحتـرتـنـي ؟
راحــت ونكّـسـت الـبـيـارق والاعـــلام
وقنـعـت يــوم ان الـسـلـوم اجبـرتـنـي
الــيــوم مـرتـنــي تـخـطّــى بــالاقــدام
عــدت عـلـي .. وكنـهـا مــا اعرفتـنـي
ماكنـهـا الـلـي خـلـت ضلـوعـي حـطـام
ولاكـنـي الـلـي قـبـل اسـافــر بكـتـنـي
مدري اعرفتني ! بعد خمسة عشر عام
والا انـهـا بـعـد كـبـرنـا .. نسـتـنـي ؟

[محب الهيلا]

مشكور وماقصرت

[محمد العتيبي]

صح لسان الشاعر
مشعان البراق
وتسلم على نقل القصيده..

التوقيع

للتواصل عبر twitter تويتر al_bargawy@

[شبيب شافي الملعبي]

لاهنت على النقل وتقبل تحياتي

[رمزي المقاطي]

مشكورين ع المرور

دمتوا بود