قصيده في برنامج استار اكاديمي

[ابو عبد الله العتيبي]

السلام عليكم

هذي قصيده الشاعر ضاوي العصيمي في برنامج ستار اكاديمي


ياهل القناة اللي تلمون البنـات مـع الشبـاب تبيتون الذيب وام قريـن فـي نفـس المـراح
تمارسون اكبـر جريمـه ياعساكـم للذهـاب اكبر دليل ان المحرم فـي شريعتكـم مبـاح
أستار اكاديمي وانـا سميتـه استـار العيـاب الا ملم الشيـن وشعـار الـردى والانفتـاح
يحـارب الاداب والعفـه ويفتـح كـل بـاب لهل العقول اللي مصابه بالتخلـف والكسـاح
اليا تلاقوا فيه والستر انكشف والعقـل غـاب افلس من الحشمه وبرق المعصيه رفرف ولاح
والمشكله لن صار بالدعوى تشقلب وانقـلاب والطايح اصبح فوق واللي فوق ماحوبه وطاح
يبي يطول الليل حط وشيـل مافيـه ****** وكلٍ يردد لوسمحت شـوي ريّـض ياصبـاح
ليت المدرب شجع قروبه على كتـب الكتـاب ونادى لهم ماذون عله يبـرم عقـود النكـاح
مير المصيبه قايد الجربـان بالحكـه مصـاب ومن الجهاله والمعاصي غادي(ن) عقله براح
يومي براسه جعل راسه عند منقوش النصاب وفي منهجه كلٍ على ماقيل مطلـوق السـراح
رقص وتمارينٍ غريبه صابني منهـا رعـاب يارب ثبتني وساعدنـي علـى كبـح الجمـاح
على الهواء بثياب مشبوهـه ومـر بلاثيـاب وكلٍ على مايشتهي ويحب والدعـوى سمـاح
هـذي حقيقـه ماعليهـا لاغبـار ولاضبـاب والقصد منها صرفنا عن مافي الامه من جراح
وحنا ياماشالله على السنه وماجا فـي الكتـاب السيل يمشي من تحتنـا ونتشـدق بالصـلاح
بيوتنـا فيهـا القنـاه ام الخلاعـه والخـراب وعيالنـا علـى متابـع بثهـا جاهـم شفـاح
يالغافل انت بدون قصد ادخلت في منزلك داب دابٍ خطير وراس نابه ينقـل السـم الذحـاح
جبته وقربته وطاب الوضع لعيالـك وطـاب لهل الرذيله بعد ماحالـف مخططهـم نجـاح
اهداف الاعدا انا نكون اهون وادق من التراب ياكرمهـم باللـي يضيعنـا وبالنافـع شحـاح
غزوا شباب المسلمين بلاسيـوف ولاحـراب حتى صغار السن صار لفكرهم شبه اجتيـاح
ننام وعقول الصغار انظف من رشاش السحاب والصبح نلقاها بفكر الغرب وسمومـه لقـاح
عندي سؤال وكل من يسـأل يـدوّر للجـواب الى متى تومي بنا في دربهـا انسـام الريـاح
ان كان مانصحى ونحسب للعدو مية حسـاب ضعنا ورحنـا مثـل حـيٍ قبلنـا والا وراح


تحياتي ابو عبد الله العتـيبي

التوقيع