يادبلة الكبد
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يابو دراهم ترى ماهذي بعيشـــــــه=شف لي طريقه تراني صرت وحداني
الفقر فصل على قدي دشاديشــــــه=من وين مالد وجهي شفت ديانـــــي
ومن الوظيفه على حروات تفنيشــــه=والظاهر اني باخليها على شانــــي
والهم قامت تناوبني خفافيشــــــــه=اليا تجاوزت واحد جاني الثانـــــــي
واليا نخيت الربع حصلت تطنيشـــــــه=والكل منهم يهايط مير ماجانــــــــي
والحب بذت خفا قلبي مطاريشــــــــه=واكذب واقول ابتلشت بكثر خلانـــي
والصاحب اللي ذبحني في عكاريشه=حتى على شينه الماخوذ خلانـــــــي
وانا تراني كريم وراعي وريشـــــــه=أبيع واشري وكل الناس تجفانـــــي
ولاانتمي لاي حزب وعندي كريشـــه=لاني شيوعي ولا قد صرت علمانـــي
لكني اطيش والطيشه هي الطيشــــه=وانتم على كيفكم والضرب مجانــــي
غديت في عجة الايام كالريشــــــــه=يادبلة الكبد وين الفقر ودانـــــــــــي
أرقد وانا احلم تطيح من السما خيشه=واودع الفقر مير الحظ مااعطا نــــــي
واليا تركت الزقاير طحت بالشيشــــه=الله يستر على تاريخ جدانـــــــــــــي
[/poet]
قصيده نقلتها لكم من مجله ، وان شاء الله تعجبكم
« آخـــر الـــمـــشـــاركــــات »
17-Jul-2003, 03:57 PM
اليا تركت الزقاير طحت بالشيشه
العرض العادي
