ما يصح إلا الصحيح

[منصور السبيعي]

يوم الطمع دونه رماح وبواريد=والنذل تنشب كلمته في وريده
الحر يفرس والحباري مجاليد=يعرف بها الطيب من أية بديده
لو هو قريبن منك فرقا الردي عيد=جعله من الدنيا يعجل شديده
نفسي معودها على الصبر تعويد=والصبر نكسب به صفاتن حميده
يقوله اللي مانشد زيد وعبيد=في المصحف الطاهر لقى مايفيده
من طبق اللي فيه نال المقاصيد=وسلك طريق اهل الحياة السعيده
مايستوون اهل القشر والاجاويد=الله فرقهم في امورن عديده
قال اعملوا تلقون ولكم مواعيد=اجل قصير ومن قضى اجله نعيده
مرجاعهم لله جموع وتفاريد=والله بخلقه يفعل اللي يريده
دنياك مافيها حياتن صراميد=زرع الفناءلابد له من حصيده
من سار بالسكه وصل لاخر السيد=العبد لابد المنايا تصيده
ترى المنايا للبرايا حواصيد=والموت له مع كل نفسن وعيده
الرابح اللي من هل الخير وشهيد=وادرك بحسن الخلق مرضات سيده
حبله يورد طيبات المواريد=ليصار مع ربه حباله جويده
والحكم للي يبدي الخلق ويعيد=هو ربنا الواحد وحنا عبيده

الشاعر/بندر بن سرور العتيبي